ივანიშვილმა საზოგადოებრივ მაუწყებელთან ინტერვიუში განაცხადა, რომ კრიმინალის ზრდა არ მომხდარა და აღნიშნულზე აპელირების საფუძველი არ არსებობს. "შინაგან საქმეთა სამინისტრო ძალიან ეფექტურად მუშაობს. კრიმინალის ზრდაზე ვერ ერთი ფაქტი ვერ მოიყვანეს. არავითარი საფუძველი არ არსებობს. კრიმინალის ზრდა არ მომხდარა, თუმცა ამის საფუძველი იყო. არა ის, რომ პოლიტპატიმრები გამოუშვეს – ამას შეეძლო კრიმინალის დროებითი ზრდა გამოეწვია ახლოპერიოდში, არამედ სხვა რამ მინდა ვთქვა – ყველამ იცის "ნაციონალური მოძრაობის" დროს ციხეებში რაც ხდებოდა, კლავდნენ და აწამებდნენ და ამის ამსახველ კადრებს თვითონ ავრცელებდნენ შეგნებულად, რომ კრიმინალი შეემცირებინათ – კრიმინალს ებრძოდნენ ამ მეთოდით: შეხვალ ციხეში შეიძლება ვეღარ გამოხვიდე. დღევანდელი სიტუაცია არის დიამეტრულად საპირისპირო. დღეს ციხეებში ჰეპატიტსაც კი მკურნალობენ, ანუ კრიმინალს შიში დაეკარგა ციხეში წასვლის. წესით ამან უნდა გამოიწვიოს კრიმინალის ზრდა, თუმცა პოლიცია ძალიან ეფექტურია, რომ ეს არ ხდება. ასეთ პოლიციას ნუ ებრძვიან", - განაცხადა ბიძინა ივანიშვილმა.