სამგზავრო თვითმფრინავმა, რომელშიც ბრაზილიის საფეხბურთო გუნდი „შაპეკოენსე“ იმყოფებოდა, კოლუმბიაში კატასტროფა განიცადა.

ადგილობრივი ხელისუფლების მონაცემებით, სამგზავრო თვითმფრინავში BAE Avro RJ85, რომელიც ბოლივიიდან მოფრინავდა, 72 მგზავრი და ეკიპაჟის 9 წევრი იმყოფებოდა, ქალაქ მადელინის აეროპორტში დაშვებისას დაისმხვრა. წინასწარი მონაცემებით, 6 ადამიანი გადარჩა.

კატასტროფის ადგილიდან პირველი ფოტოები ტვიტერზე გამოცემამ "აღმოსავლეთ ანტიოქიის სიახლეები" გამოაქვეყნა.

ოფიციალური ინფორმაციით, ეკიპაჟი ძრავის პრობლემების შესახებ იტყობინებოდა. ადგილობირივ მედიის ცნობით, პილოტები საწვავის დაბალი დონის შესახებ იძლეოდნენ სიგნალს.

სამძებრო - სამაშველო ოპერაციაში კოლუმბიის სამხედრო-საჰაერო ძალების ორი შვეულმფრენია ჩართული.