ახალი ამბები
მერიის პრესსამსახური საიას განცხადებას პასუხობს
საიას ზუგდიდის ოფისი საინფორმაციო პორტალ fortuna.ge-ზე ზუგდიდის ბოტანიკურ ბაღთან დაკავშირებით გამოქვეყნებულ მასალას გამოეხმაურა, რომელიც მერიის პრესსამსახურის უფროსის მაია ღუბელაძის ინტერვიუზე დაყრდნობით მომზადდა.

მასალაში წერია, რომ ბაღში შესვლა დილის 7-დან 10 საათამდე პერიოდში მხოლოდ იმ პირებისთვის იქნება უფასო, რომლებიც უკვე წლებია, ბოტანიკურ ბაღში რეგულარულად ვარჯიშობენ. გარდა ამისა, ფასები ადგილობრივებისა და ტურისტებისთვის განსხვავებული იქნება.

„საიას ზუგდიდის ოფისი, გადაწყვეტილების მიმღებ უფლებამოსილ პირებს მოუწოდებს, ტარიფების დადგენის დროს, არ დაუშვან განსხვავებული მოპყრობა საქართველოს მოქალაქეებსა და უცხოელებს შორის. მსგავსი შინაარსის მქონე გადაწყვეტილების მიღება გამოიწვევს დისკრიმინაციას მოქალაქეობის ნიშნით... ამგვარი მიდგომა თავის მხრივ, არახელსაყრელ მდგომარეობაში ჩააყენებს იმ მოქალაქეებს, რომლებიც ახლა მიიღებენ გადაწყვეტილებას, დაიწყონ ვარჯიში ზუგდიდის ბოტანიკური ბაღის ტერიტორიაზე“, - აღნიშნულია განცხადებაში.

თავის მხრივ, მაია ღუბელაძე რადიო „ათინათთან“ აცხადებს, რომ მას მსგავსი სახის ინფორმაცია ჟურნალისტებისთვის არ მიუწოდებია.

მისივე თქმით, თემის კომენტირებისას მან აღნიშნა, რომ დადასტურებულია მხოლოდ ის, რომ ბოტანიკურ ბაღში შესვლა იქნება ფასიანი.

„ასევე, ვთქვი, რომ მერის სურვილია, ჯანსაღი ცხოვრების პოპულარიზაციის მიზნით, დილის საათებში ბაღში შესვლა იყოს უფასო, რადგან ზუგდიდელები, წლებია, აქ ვარჯიშობენ. რაც შეეხება, ფასების დიფერენციაციას მტკიცებით ფორმაში საუბარი არ ყოფილა, რადგანაც ეს ადმინისტრაციის პრეროგატივაა და არა მერიის“, - უთხრა რადიო „ათინათს“ ღუბელაძემ.

საინფორმაციო პორტალ „ფორტუნაში“ არ გამორიცხავენ, რომ მასალაში მათი მხრიდან მცირე უზუსტობა იყოს დაშვებული.

ამავე თემაზე:

ბოტანიკურ ბაღში შესვლა შესაძლოა ფასიანი გახდეს (ვიდეო)

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 18 °C
img
სოხუმი 18 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.