ახალი ამბები
როგორია კონსტანტინე გამსახურდიას სახლ-მუზეუმის განვითარების კონცეფცია (ფოტო)
ქართველი მწერლის კონსტანტინე გამსახურდიას სახლ-მუზეუმის განვითარების კონცეფცია უკვე შედგენილი და დამუშავებულია. ამ კონცეფციის მიხედვით, დაგეგმილის მწერლის ცხოვრებისა და შემოქმედების წარმოჩენა, მისი პორტრეტის შექმნა, ლიტერატურის, ხელოვნებისა და ქვეყნის ისტორიაში მისი წვლილის ჩვენებით. ასევე, კ. გამსახურდიას ოჯახის მემორიალური გარემოს რეკონსტრუქცია, მე-19 საუკუნის ეთნოგრაფიული გარემოს შექმნა-აღდგენა.

სწორედ მასზე დაყრდნობით უნდა მომზადდეს სახლ-მუზეუმის საპროექტო დოკუმენტაცია. თავის მხრივ, კომპლექსი სწორედ ამ პროექტის შესაბამისად რეაბილიტირდება.



არსებული სიტუაცია 

შესაბამისი ტენდერი აბაშის მუნიციპალიტეტის მერიამ უკვე გამოაცხადა და მისი ღირებულება თითქმის 34 000 ლარია. ამ ეტაპზე ტენდერში გამარჯვებულის შერჩევა-შეფასების პროცედურები მიმდინარეობს. დოკუმენტაციის თანახმად, მასში მონაწილეობა ერთადერთმა პრეტენდეტმა - სამშენებლო კომპანია „ივერთმშენმა“ მიიღო.

რაც შეეხება განვითარების კონცეფციას, რომელიც ირმა დოლიძემ, ნინო ვაჩეიშვილმა, გიგა მისრიაშვილმა და გიორგი სოსანიძემ გასულ წელს შეადგინეს, კომპლექსში მოეწყობა რამდენიმე ზონა.



სახლ-მუზუემის გენგეგმა

პირველი იქნება ვიზიტორთა მიღების, საინფორმაციო, სამუზეუმო-საექსპოზიციო ზონა, სადაც განთავსდება ვიზიტორთა მიღების სათავსოები.


საექსპოზიციო სივრცე

კომპლექსის მთავარი, თემატური საინტერპრეტაციო სივრცე გათვალისწინებულია თანამედროვე ტიპის ნაგებობაში, რომელიც მოიცავს საგამოფენო დარბაზს, მწერლის ცხოვრებისა და შემოქმედების ექსპონირებით, სადაც ასევე შესაძლებელი იქნება მწერლის ნაწარმოებების მიხედვით გადაღებული ფილმების, უშუალოდ მწერალზე არსებული დოკუმენტური ფილმებისა და სხვა ელექტრონული მასალების ნახვა. აქვე სპეციალური სივრცე დაეთმობა საქართველოს დამოუკიდებლობის დეკლარაციის მიღების თემას, სადაც შესაძლებელია დამოუკიდებლობის დეკლარაციის ტირაჟირებულ ასლზე საკუთარი ხელმოწერის გაკეთება და სამახსოვრო სუვენირად წაღება.



წყარო 

საზოგადოებრივ- კულტურული აქტივობების ზონაში ღია ცის ქვეშ არსებული სცენა კულისებით რეკონსტრუირდება და სცენა გამოიყენება სპექტაკლების, კონცერტების, საიუბილეო და სხვა მასობრივი ღონისძიებებისთვის. საგანამანათლებლო-შემეცნებითი პროგრამები განხორციელდება როგორც დახურულ, ისე კომპლექსის ღია სივრცეში თამაშებისა და აქტივობებისთვის.


სცენა

რაც შეეხება ეთნოგრაფიულ ზონას, აქ მეგრული კარ-მიდამო რეკონსტრუირდება შესაბამისი ინტერიერებით:  ოდა სახლი ტიპური ჭერით, იატაკით, ბუხრით, აივნითა და კიბეებით; - ჯარგვალი, მოეწყობა წყლის წისქვილის მდ. ზანაზე და რეაბილიტირდება ხიდი, აქვე იქნება მარანი ხეში ამოთლილი საწნახელით და ვარსებული ნალია, ზანას ნაპირზე კი თევზის და კიბორჩხალის საჭერად ფაცერების მოეწყობა.


ხიდი მდინარე ზანაზე 

უკანასკნელი ზონის სახელწოდებაა „ევროპისაკენ - დამოუკიდებლობით“, სადაც მუზეუმის ვიზიტორი კარიბჭიდან მიმავალი ცენტრალური ბილიკით, კომპლექსის სიღრმეში აღმოჩნდება მრავალწლიანი ხე-ნარგავებით დაბურულ ოაზისში, სადაც მსოფლიოში ყველაზე პატარა მდინარე ზანას ულამაზესი ხვეული მონაკვეთია. აქ, ისტორიულ წყაროსთან გათვალისწინებულია საბაღე სკამზე ჩამომჯდარი მამა-შვილის, დიდი კონსტანტინეს და პირველი პრეზიდენტის ბრინჯაოს სკულპტურული კომპოზიცია; თემას დაასრულებს საქართველოს დამოუკიდებლობის აღდგენის აქტის მემორიალური სტელა, რომელზეც 1918 და 1991 წლების ვერცხლზე ამოტვიფრული აქტებია ჩამონტაჟებული მრავალფენა გამჭვირვალე მინაში. მინის სტელის საფუძველი მთის ბროლის უმტკიცესი ქანების მხატვრული ფრაგმენტია. სტელას აგვირგვინებს საქართველოს მთიანეთში შემორჩენილი ქვა-ჯვარის რეპლიკა, ასევე მთის ბროლში გათლილი. მუზეუმის თემატური ზონების გამაერთიანებელი იქნება ეზოს მცენარეული საფარი, მისი დიზაინი და კეთილმოწყობა.


დამოუკიდებლობის აღდგენის აქტის მემორიალური სტელა

დასასვენელელი სკამებით, ურნებით, ბილიკებით, ინგლისური პარკის ელემენტებით, რომელიც ასევე ერთგვარი გამყოფიც იქნება მუზეუმის მეორე – მემორიალური ზონისგან.

კონსტანტინე გამსახურდიას სახლ-მუზეუმი აბაშის მუნიციპალიტეტის სოფელ ძველ აბაშაში მდებარეობს. ის 1987 წელს დაარსდა და იქ 168 სამუზეუმო ექსპონატია დაცული.


წყლის წისქვილი 

სახლ-მუზეუმის კომპლექსი 19 018კვ.მ. ფართობზეა გადაჭიმული და რამდენიმე ნაგებობას აერთიანებს: ოდა სახლი, ჯარგვალი, ნალია, ღია ცის ქვეშ მოწყობილი სცენა, სველი წერტილი, შესასვლელი „კარიბჭე”.


Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
29 / მარტი 2024
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 23 °C
img
სოხუმი 19 °C
img
ფოთი 18 °C
img
მესტია 8 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.