ლალი ანთია: მილების ქურდობა ედიშერ თოლორაიას უკავშირდება (ვიდეო)
18:10 / 01.08.2018
მოძრაობა „ქალები მშვიდობისთვის“ ლიდერი ლალი ანთია ე.წ. „მილების
საქმეს“ ზუგდიდის მაჟორიტარ დეპუტატს ედიშერ თოლორაიას უკავშირებს.
ამის
შესახებ მან დემოკრატიული ჩართულობის ცენტრში გამართულ ბრიფინგზე
ისაუბრა. მისი თქმით, ის მილებთან დაკავშირებით უზენაესმა სასამართლომ
გაამართლა, თუმცა აღნიშნულ საკითხს საზოგადოებას მაინც მას
უკავშირებს.
„მე ისევ და ისევ ვარ ტერორის ქვეშ. საზოგადოება ისევ ჩემზე საუბრობს,
როდესაც მე უზენაესმა სასამართლომ გამამართლა. ეს მოხდა სრულიად
მოულოდნელად, მიუხედავად იმისა, რომ სასამართლოზე იყო ზეწოლა
პროკურატურისა და ხელისუფლების მხრიდან. მე ვუთხარი ედიშერ თოლორაიას,
რომ სააგენტოები თუ ისევ გააგრძელებენ ჩემზე წერას და რაღაც
სურათების დადებას, მე ამ განცხადებას გავაკეთებმეთქი. თოლორაიას
მივეცი ერთი კვირა, რომ გამოსულიყო და ეთქვა, რომ მე არაფერ შუაში არ
ვიყავი. რადგან მან ხმა არ გამცა, გადავწყვიტე გამეკეთებინა ეს
განცხადება. ედიშერ თოლორაია არის თავში და ბოლოში ამ მილებთან
დაკავშირებით. მე არ მინდოდა მისთვის რეპუტაცია შემელახა, მაგრამ
რადგან მე ასეთ მორალურ ტერორში ვიმყოფები და ყოველდღე ქურდს
მეძახიან. უკვე არ დავთმობ პოზიციას, მე ყველა დეტალი შესწავლილი და
გამოძიებული მაქვს“ , - ამბობს ანთია.
ამ საქმეზე ყოფილი ბრალდებული ამბობს, რომ ის ამ საქმის ხელახალი
გამოძიების მოთხოვნით პროკურატურას უახლოეს მომავალში მიმართავს. ის
სამეგრელო-ზემო სვანეთის ყოფილი გუბერნატორის ლევან შონიას, პოლიციის
სამმართველოს მაშინდელ ხელმძღვანელის და ედიშერ თოლორაიას დაკითხვას
ითხოვს.
„დაკითხონ ეს ადამიანები. მე, რომ გავმართლდი ვიღაცამ ხომ უნდა აგოს
პასუხი. რატომ არ იძიებენ, რატომ არ არიან ამ საქმით დაინტერესებული??
დაყარეს აქ ეს მილები. ტრაილერები დატვირთეს და გაუშვეს თბილისში,
მერე ისევ გამოიძახეს უკან. სამხარეო პოლიციის წინ ხდებოდა ეს ამბავი.
ტრაილერებს მიაცილებდა საპატრულო პოლიცია. ლალი ანთიას სად ჰქონდა
ამდენი შესაძლებლობა“, - თქვა მან.
რადიო „ათინათმა“ ბრალდებების ადრესატთან
დაკავშირება ვერ შეძლო. ედიშერ თოლორაიას ბიუროში ამბობენ, რომ
აღნიშნულ საქმესთან მაჟორიტარს კავშირი არა აქვს და დეპუტატმა ამაზე
არაერთხელ ისაუბრა.
სოფელ რიყიდან სასმელი წყლის 3 კმ-მდე სიგრძის მილი, 2013 წლის
დეკემბერში თვითნებურად ამოიღეს. ამჟამად აღნიშნულ საქმეზე ორი
ადამიანი იხდის სასჯელს.
ზუგდიდში რესტორანი ,,NK RESTAURANT AND LOUNGE’’ გაიხსნა, რომელიც სტუმრებს გამოცდილი მზარეულის მიერ მომზადებულ, ტრადიციულ და ევროპულ კერძებს შესთავაზებს.
"ოკუპირებულ ტერიტორიებზე საქართველოს მოქალაქეების მკვლელობებთან დაკავშირებით სამართლის აღუსრულებლობა დაუსჯელობის სინდრომს ქმნის და ახალისებს დანაშაულებრივ ქმედებებს",- ამის შესახებ სახელმწიფო უსაფრთხოების
2023 წელს ოკუპირებული აფხაზეთის მიმართულებით ცხელი ხაზი 374-ჯერ გააქტიურდა. ამის შესახებ სახელმწიფო უსაფრთხოების სამსახურის ყოველწლიურ ანგარიშში ვკითხულობთ.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები