ახალი ამბები
ზუგდიდის ბაზრის მიმდებარედ მშენებლობის საკითხს საკრებულოში ხმაური მოჰყვა (ვიდეო)
ზუგდიდის საკრებულოს რიგგარეშე სხდომა ხმაურის ფონზე მიმდინარეობდა. ცენტრალური ბაზრის შიდა ტერიტორიაზე  მშენებლობის დაწყებას შიდა და გარე მოვაჭრეები აპროტესტებენ. მოვაჭრეები ამბობენ, რომ მაღაზიები სწორედ იმ ტროტუარზე განთავსდება სადაც მათ ვაჭრობა აეკრძალათ.

"თუ ტროტუარი იყო და ჩვენი მანდ დგომა არ შეიძლებოდა, მაღაზიების განთავსება რატომაა დაშვებული", - ამბობენ გარემოვაჭრეები.

შპს "ცენტრალური სუპერმარკეტის" ადმინისტრაციის წარმომადგენლებს თქმით, ბაზრის ღობე, რომლის დანგრევაც იგეგმება მათი საკუთრებაა და სასმართლოს გადაწყვეტილებამდე მშენებლობის შეჩერებას ითხოვენ.

"ჩვენ გვაქვს საკუთრების უფლების დამადასტურებელი დოკუმენტები, თუმცა თავის დროზე რეესტრში აღნიშნული ღობე რომელსაც ფასადს ეძახით არ დარეგისტრირდა საკუთრებად. თუმცა ყველამ კარგად იცის, რომ ეს ჩვენი საკუთრებაა. მშენებლობა ისე დაიწყეს არც გვკითხეს. ამ შემთხვევაში ირღვევა ჩვენი, როგორც მესაკუთრეების უფლება. მოვითხოვთ, რომ დღესვე ამ საკრებულოს დასრულებისთანავე შეაჩერონ მშენებლობა", - თქვეს სხდომაზე ბაზრის ადმინისტრაციის დირექტორის მოადგილემ ნონა ნიჟარაძემ.

მისივე თქმით, თუ მშენებლობას არ შეაჩერებენ ისინი შედეგებზე პასუხს არ აგებენ.

თავის მხრივ, საკრებულოს თავმჯდომარე მამუკა წოწერიამ მათ უთხრა, რომ ის სასამართლოს გადაწყვეტილებას დაელოდება.

"მერიას მშენებლობის ნებართვა აქვს სამართებლივ საფუძველზე გაცემული. ჩვენ ერთი მხარის პრეტენზიებს მოვუსმინეთ და მხოლოდ მათი პრეტენზიის საფუძველზე ვერ მიიღებს მუნიციპალიტეტი გადაწყევეტილებას. ვიცით, რომ ეს საკითხი სასამართლოშია შეტენილი, შესაბამისად თუ ჩვენ გვექნება სასამართლოსგან შუამდგომლობა მშენებლობის შეჩერების შესახებ, თავისთავად შეჩერდება", - თქვა წოწერიამ.

აღნიშნული საკითხი რიგგარეშე სხდომაზე ენმ-ს ზუგდიდის ორგანიზაციის თავმჯდომარე ანა წითლიძემ დააყენა. მისი მტკიცებით, აღნიშნულ ტერიტორიაზე მშენებლობის უფლება ექსკლუზიურად საკრებულოს სამანდატო და ადამიანის უფლებათა დაცვის საკითხთა კომისიის თავმჯდომარის სანდრო სორდიას მამაზე გაიცა.

"სწორედ ამ ნეპოტიზმისა და კორუფციული გარიგების შედეგად გასცა ზუგდიდის მერიამ აღნიშნულ ტერიტორიაზე მშენებლობის ნებართვა. ჩვენ ვითხოვთ, რომ სანამ სასამართლო და პროკურატურა ამ საკითხს იკვლევს შეჩერდეს მშენებლობა", - აღნიშნა წითლიძემ.

თავის მხრივ საკრებულოს სამანდატო და ადამიანის უფლებათა დაცვის საკითხთა კომისიის თავმჯდომარის სანდრო სორდიას განმარტებით, მშენებლობის ნებართვის უფლება მიიღო 22 ადამიანმა და არა მხოლოდ მისიმა ოჯახის წევრმა.

"სამართლიან სახელმწიფოში ქონების რეალიზაციის საშუალება უნდა ჰქონდეს ყველას",- მიიცჩევს სორდია.

ამ საკითხის მოკვლევის მიზნით, რამდენიმე დღის წინ ფრაქცია "ერთიანი ნაციონალური მოძრაობის" თავმჯდომარე ანა წითლიძემ სამეგრელო-ზემო სვანეთის საოლქო პროკურატურაში განცხადება შეიტანა. წითლიძის მტკიცებით, აღნიშნული ტერიტორიის დაკანონება არასამართლიანი და უკანონოა.






Print Email
FaceBook Twitter
ამავე კატეგორიაში
დღის სიახლეები
15 / ივლისი 2019
ხობში,ჭალადიდის საავტომობილო გზაზე ორი მსუბუქი ავტომობილის შეჯახების შედეგად ორი ადამიანი დაშავდა. არსებული ინფორმაციით, მაღალი სიჩქარით მოძრავი
15 / ივლისი 2019
სამოქალაქო აქტივისტების ორგანიზებით, შს მინისტრის გადადგომის მოთხოვნით დღეს ზუგდიდში მორიგი საპროტესტო აქცია - "გახარია წადი" გაიმართა.
15 / ივლისი 2019
ზუგდიდის მერიამ 2019 წლის ადგილობრივი ბიუჯეტიდან ვლაქერნობის დღესასწაულის ტრაპეზისთვის ზუგდიდისა და ცაიშის ეპარქიას 20 ათასი ლარი გამოუყო.
საზოგადოება
{{ARTICLEIMAGE}}ზუგდიდში, საარსებო წყაროების განვითარების ცენტრში (LDC) ყოფილ მსჯავრდებულებსა და პრობაციონერებს სოციალური უნარების ოთხდღიანი ტრენინგი თემაზე
„ანაკლიის განვითარების კონსორციუმის“ დამფუძნებელი მამუკა ხაზარაძე სექტემბერში საზოგადოებრივი მოძრაობის შექმნას აანონსებს.
მომხმარებლებს, რომლებსაც ანაბრის გახსნა სურთ, შესაძლებლობა აქვთ, ტერაბანკის ახალი შეთავაზებით ისარგებლონ და 12-თვიან დეპოზიტებზე ყველაზე მაღალი საპროცენტო განაკვეთი მიიღონ.
არქივი
«« ივლისი 2019 »»
1 2 3 4 5 6 7
8 9 10 11 12 13 14
15 16 17 18 19 20 21
22 23 24 25 26 27 28
29 30 31 1234
ამინდი
ზუგდიდი 22 °C
img
სოხუმი 21 °C
img
ფოთი 22 °C
img
მესტია 14 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.