უშბაზე ალპინისტების მიერ  ნაპოვნი ორი ადამიანის ნეშთი ჩამოასვენეს. ინფორმაციას  საგანგებო სიტუაციების მართვის სამსახური ავრცელებს. „განსაკუთრებულ სიტუაციებზე რეაგირების სამმართველოს მაშველებმა, მწვერვალ უშბიდან დაუდგენელი ვინაობის ორი პიროვნების გვამი, შსს-ს სასაზღვრო პოლიციის ვერტმფრენით ჩამოასვენეს. შეტყობინება მყინვარწვერზე აღმოჩენილი ორი გვამის შესახებ,საგანგებო სიტუაციების მართვის სამსახურში, 23 აგვისტოს შემოვიდა“, - აცხადებენ სააგენტოში.

ამავე ცნობით, ბოლო დღეების განმავლობაში, საგანგებო სიტუაციების მართვის სამსახურში სამეგრელო-ზემო სვანეთის რეგიონიდან მთაში დაკარგული ან ჩარჩენილი პიროვნებების შესახებ შეტყობინება არ შემოსულა. შესაბამისად, მთაში სამძებრო-სამაშველო სამუშაოები არ მიმდინარეობდა.

ამავე თემაზე:

უშბაზე ორი ადამიანის ჩონჩხი იპოვეს