ახალი ამბები
ზუგდიდის მერიამ მუშაობის ერთი წლის ანგარიში წარადგინა
ზუგდიდის მუნიციპალიტეტის მერის მოვალეობის შემსრულებელმა მაიზერ ნანავამ ,დღეს მუშაობის ერთწლიანი ანგარიში საზოგადოებას წარუდგინა. მან მერიის მუშაობის პრინციპებსა და პრიორიტეტებზე ისაუბრა. ნანავას თქმით, მერია ახორციელებს მოსახლეობის საჭიროებებზე მორგებულ კულტურულ, საგანმანათლებლო, სპორტულ, სოციალურ, ჯანდაცვის და ინფრასტრუქტურის რეაბილიტაციის პროგრამებსა და პროექტებს, ხოლო მუნიციპალიტეტის ბიუჯეტის მოცულობა 2018 წელს 47 მილიონ  669 ათას ლარს შეადგენს, მათ შორის, საკუთარი შემოსავლები 35 მილიონ  668 ათასი ლარია. მისივე ინფორმაციით, სოციალური და ჯანდაცვის პროგრამებისთვის 2 მილიონ ლარზე მეტია გამოყოფილი და 9 247 ბენეფიციარმა ისარგებლა.  გარდა ამისა, ჩატარდა ჯანდაცვის კომისიის 55 სხდომა და დაფინანსდა 2 991 მოქალაქე.

alt

„ამ ეტაპზე, მუნიციპალიტეტში მძიმე საყოფაცხოვრებო პირობების მქონე 25 ოჯახისთვის სოციალური სახლის მშენებლობა მიმდინარეობს, 19 ოჯახი კი ,,ერთი თბილი ოთახი“-ს პროექტშია ჩართული. მუნიციპალიტეტში ინფრასტრუქტურის განვითარებისთვის რეგიონული განვითარების ფონდიდან 7332.0 ათასი, ხოლო ადგილობრივი ბიუჯეტიდან 3312,0 ათასი ლარი გამოიყო, 2018 წელს სულ დაფინანსდა 29 პროექტი; ჯამში ყველა პროექტის ღირებულებამ კი 10 584 372 ლარი შეადგინა. გზა რეაბილიტირდა 22 ადმინისტრაციულ ერთეულში, პროექტების ღირებულებამ კი 7 65 3 530 ლარი შეადგინა. წყალმომარაგების ქსელის რეაბილიტაციაზე დაიხარჯა 425 490 ლარი. სანიაღვრე არხების რეაბილიტაციაზე დაიხარჯა 44 1735 ლარი. მრავალბინიანი ეზოების კეთილმოწყობაზე დაიხარჯა 509311 ლარია, განხორციელდა შიდა გზების რეაბილიტაცია, ღირებულებით 761 460 ლარი. 12 ადმინისტრაციულ ერთეულში მოიხრეშა 67 კმ სიგრძის გზა. ორმულად შეკეთდა 18 კმ. რეაბილიტირდა 12 ხიდ-ბოგირი. გრძელდება წყალმომარაგებისა და კანალიზაციის პროექტების განხორციელება, რაც გულისხმობს ზუგდიდის წყალმომარაგების სისტემის მშენებლობას,წყალარინების ქსელების რეაბილიტაციასა და წყალარინების გამწმენდი ნაგებობების მშენებლობას. განათლების ხელშეწყობა მერიის ერთ-ერთი პრიორიტეტია. საჯარო სკოლების ფინანსური ხელშეწყობისა და რეაბილიტაციისათვის გამოიყო 236.6 ათასი ლარი. კულტურული მემკვიდრეობის ძეგლთა დაცვის პროგრამის ფარგლებში გამოიყო 294.0 ათასი ლარი, სხვადასხვა სპორტული ღონისძიებების დაფინანსებისთვის 51.0 ათასი ლარი, სპორტის განვითარების ხელშეწყობისათვის კი 1 280.0 ათასი ლარი. აქტიურ რეჟიმში მუშაობდა ყველა ა(ა)იპ-ი და შპს. ზუგდიდის მუნიციპალიტეტის მერიისთვის ერთ-ერთი პრიორიტეტი გამჭვირვალობა, ანგარიშვალდებულება და მოქალაქეთა ჩართულობაა. ამ მიმართულებით მუნიციპალიტეტი არაერთი მნიშვნელოვანი პროექტი განახორციელა, როგორიცაა: „კარდაკარ საჭიროებებზე,“ „უფრო ახლოს ხალხთან“ და სხვ. გამოიყენება მოქალაქეთა ჩართულობის ისეთი ფორმები, როგორიცაა „ზუგდიდის მუნიციპალიტეტის მერის სათათბირო ორგანო - მრჩეველთა საბჭო,“ „შეზღუდული შესაძლებლობების მქონე პირთა საკითხებზე ზუგდიდის მუნიციპალიტეტის ადგილობრივ დონეზე მომუშავე საბჭო“ „დასახლების საერთო კრება.“ მუნიციპალიტეტისთვის მომავალ წელსაც კვლავ პრიორიტეტად რჩება ინფრასტრუქტურის განვითარება, კულტურა, სპორტი, განათლება, სოციალური სფერო და ჯანდაცვა. ზუგდიდი მზარდი ეკონომიკისა და ყოველწლიური განვითარების პერსპექტივის მუნიციპალიტეტი და ეს პრაქტიკა მომავალშიც გაგრძელდება“, -ნათქვამია ანგარიშის დოკუმენტში.

ანგარიშის წარდგენაზე საკრებულოს წევრმა მამუკა წოწერიამ აღნიშნა, რომ მომავალი წლის ბიუჯეტი მოსახლეობაზე მორგებული უნდა იყოს. მისი თქმით, არჩევნების შედეგები იყო მძლავრი სიგნალი და იმის ნიშანი, თუ როგორ უნდა გააგრძელონ მუშაობა.

alt

„მაიზერ ნანავამ ისაუბრა განხორციელებულ პროექტებზე, რის განხორციელებაც შეძლო მერიამ პირველი იანვრიდან დღემდე, თუმცა ჩვენ დავინახეთ, რომ პრობლემები ბოლომდე არა არის მოტანილი. მოვუწოდებ მოსახლეობას, რომ უფრო აქტიურად მიიღოს მოსახლეობამ ბიუჯეტის დაგეგმაში მონაწილეობა და იმ პრობლემების იდენტიფიცირებას, რაც მათ აწუხებთ“, - აღნიშნა მამუკა წოწერიამ.

ანგარიშის წარდგენას საზოგადოებრივი ორგანიზაციების, მედის წარმომადგენლები და მოქალაქეების ნაწილი დაესწრო.



Print Email
FaceBook Twitter
ამავე კატეგორიაში
დღის სიახლეები
23 / სექტემბერი 2019
აბაშობის დღესასწაულზე მუნიციპალიტეტში საპატიო მოქალაქეების დაჯილდოების ცერემონია გაიმართა.
23 / სექტემბერი 2019
სოხუმის მიმართულებით ახალი ავტობუსი იმოძრავებს, რომელიც გალის რაიონში მცხოვრებ სტუდენტებს მოემსახურება.
22 / სექტემბერი 2019
ზუგდიდში უახლოესი დღეების განმავლობაში წვიმა მოსალოდნელი არ არის.
საზოგადოება
{{ARTICLEIMAGE}}„ფიფლ ინ ნიდმა“ პროექტის “სამოქალაქო საზოგადოების ორგანიზაციები ევროპასთან თავისუფალი ვაჭრობის მხარდასაჭერად“ დახურვის ღონისძიება მოაწყო.
NDI-ის კვლევის თანახმად, გამოკითხულთა უმრავლესობა მთავრობის საქმიანობას უარყოფითად აფასებს. კერძოდ, რესპონდენტთა 60 %-ის აზრით, მთავრობა "ცუდად" მუშაობს,
NDI-ის მიერ 13-და 29 ივლისის ჩათვლით ჩატარებული კვლევის თანახმად, გამოკითხულთა 61% დაუსაქმებელია.
მთავარი საინფორმაციო გამოშვება
არქივი
ამინდი
ზუგდიდი 20 °C
img
სოხუმი 18 °C
img
ფოთი 18 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.