ამერიკის შეერთებული შტატები რუსეთს მოუწოდებს შეწყვიტოს საქართველოს რეგიონების აფხაზეთისა და სამხრეთ ოსეთის ოკუპაცია. ისინი ასევე გმობენ, „ბორდერიზაციის“  პროცესს სოფელ ატოცთან.   ამის შესახებ განცხადებას საქართველოში აშშ-ის საელჩო აქვეყნებს.

„მესერის გავლება საარსებო წყაროს ართმევს ადამიანებს და უზღუდავს მათ თავისუფალ გადაადგილებას ადმინისტრაციული გამყოფი ხაზის ორივე მხარეს. რუსეთმა უნდა შეწყვიტოს საქართველოს რეგიონების, აფხაზეთისა და „სამხრეთ ოსეთის ოკუპაცია“, – აღნიშნულია ამერიკის შეერთებული შტატების ინფორმაციაში.

7 ნოემბერს ქარელის რაიონის სოფელ ატოცთან რუსმა სამხედროებმა ე.წ. საზღვრის ხელოვნური ბარიერები აღმართეს.