ახალი ამბები
"ლიბერალი მუნიციპალიტეტების გამჭვირვალობისთვის"- დისკუსია ზუგდიდში
ზუგდიდში, სახალხო დამცველის ოფისში მუნიციპალიტეტის წინაშე მდგარ გამოწვევებსა და პრობლემებზე იმსჯელეს. დისკუსია გამოცემა "ლიბერალის" პროექტის "ლიბერალი მუნიციპალიტეტების გამჭვირვალობისთვის" ფარგლებში გაიმართა. მას სტუდენტები, სახალხო დამცველის რეგიონული ოფისის თანამშრომლები, ადგილობრივი ხელისუფლებისა და არასამთავრობო ორგანიზაციების წარმომადგენლები დაესწრნენ.
alt
ორგანიზაცია "სამოქალაქო აქტივობისა და თანასწორობის ცენტრის" ხელმძღვანელი ციცინო შენგელია დაინტერესდა იყო თუ არა გათვალისწინებული მომავალი წლის ბიუჯეტში გენდერული საკითხები. მას მერიის საფინანსო-საბიუჯეტო სამსახურის უფროსმა ნანი მიქენაიამ უპასუხა და უთხრა, რომ აღნიშნული საკითხი მერიისთვის პრიორიტეტულია და ის 2019 წლის ბიუჯეტში მნიშვნელოვნად არის ასახული.

"გენდერის საკითხები მნიშვნელოვნად არის ასახული მომავალი წლის ბიუჯეტში და აქ არამარტო ქალთა პრობლემებზეა საუბარი, არამედ განსხვავებული საჭიროებების მქონე ადამიანებზეც. სოციალური პროგრამები ითვალისწინებს მრავალშვილიანი დედების, მარტოხელა, მარჩენალდაკარგული და ძალადობის მსხვერპლი ქალების დახმარებას", - აღნიშნა ნანი მიქენაიამ.

"დემოკრატიული ჩართულობის ცენტრის" ზუგდიდის ოფისის ხელმძღვანელმა ეკა მინჯორაიამ წყალმომარაგების სისტემის მშენებლობასთან დაკავშირებულ პრობლემაზე გაამახვილა ყურადღება. მისი თქმით, ქალაქის მოსახლეობას ძალიან აწუხებს გადათხრილი და მოუწესრიგებელი საგზაო ინფრასტრუქტურა.
alt
"ძალიან მნიშვნელოვანი პროექტი კეთდება, თუმცა უკვე ორ წელზე მეტია ქუჩებზე მტვერია. გასაგებია, რომ მშენებლობა ბევრ პროცედურასთან არის დაკავშირებული, მაგრამ ეს დროში ძალიან გაიწელა. გარდა ამისა, მოსახლეობა არ არის ინფორმირებული თუ როდის დასრულდება მშენებლობა, რატომ გაჭიანურდა ეს პროცესი, რაც იწვევს ხალხის გაღიზიანებას", - აღნიშნა მინჯორაიამ.

მან ადგილობრივი ხელისუფლების წარმომადგენლებს ასევე ჰკითხა იდგა თუ არა დღის წესრიგში მიუსაფარი ძაღლებისთვის თავშესაფრის აშენების საკითხი, რაზეც ნანი მიქენაიამ უარყოფითი პასუხი გასცა.

"ამ პრობლემის მოგვარება მომდევნო წლის ბიუჯეტში არ არის გათვალისწინებული, თუმცა მერიაში მსჯელობენ, რომ სამხარეო ადმინისტრაციამ მუნიციპალიტეტების გაერთიანებით, ერთობლივი პროექტი განახორციელონ",- თქვა მან.

"საერთაშორისო გამჭვირვალობა საქართველოს" ზუგდიდის ოფისის ხელმძღვანელი არჩილ თოდუა კი მიიჩნევს, რომ მოქალაქეებმა უნდა იცოდნენ,  თუ სად და რა მიმართულებით იხარჯება ბიუჯეტის ფული. მისვე თქმით, კარგი იქნება თუ სოფლის რწმუნებულები ყოველ სამ თვეში ერთხელ წარმოადგენენ იმ საჭიროებებს, რაც მოსახლეობას აწუხებს.
alt
"ჩვენი ორგანიზაცია პერიოდულად სთავაზობს რეკომენდაციებს მუნიციპალიტეტს. შარშან პრობლემა იყო ის, რომ ბიუჯეტი არ იყო პროგრამული. იმედია, რომ 2019 წლის ბიუჯეტი 100% თუ არა მეტნაკლებად მაინც იქნება პროგრამული. ასევე ძალიან მნიშვნელოვანია მოქალაქეების ჩართულობა ბიუჯეტის დაგეგმვაში. ამისკენ კი მერიამ უნდა გადადგას ნაბიჯი. ამისთვის მას აქვს რამდენიმე მექანიზმი, მათ შორის, საჯარო შეხვედრების გამართვა, მოსახლეობის გამოკითხვა და სხვა ", - თქვა არჩილ თოდუამ.

შეხვედრის ორგანიზატორები მიიჩნევენ, რომ მსგავსი შეხვედრები სამომავლოდ უზრუნველყოფს ბიუჯეტის გამჭვირვალედ დაგეგმვას.

"გამოცემა ლიბერალის პროექტის ფარგლებში გამართული შეხვედრა სიმბოლურად დაემთხვა ზუგდიდის ბიუჯეტის პროექტის წარდგენას. განვიხილეთ მოქალაქეების პრიორიტეტები და ის საჭიროებები, რაც მათ წინაშე დგას ", -თქვა "ლიბერალის" რედაქტორმა დათო გამისონიამ.

პროექტის მხარდამჭერია ფონდი ღია საზოგადოება.

Print Email
FaceBook Twitter
ამავე კატეგორიაში
დღის სიახლეები
18 / ივნისი 2019
აფხაზეთის დე ფაქტო რესპუბლიკის საგანგებო სიტუაციათა სამინისტროს თანამშრომლებმა სოხუმიდან სოჭის მიმართულებით
18 / ივნისი 2019
ზუგდიდის მუნიციპალიტეტის მერიამ ორი TOYOTA LENDCRUISER PRADO-ს მარკის ავტომობილი აუქციონზე გაყიდა. ერთ-ერთი მათგანი, რომელიც 44 400 ლარად გაიყიდა, საკრებულოს თავმჯდომარის სარგებლობაში იყო,
18 / ივნისი 2019
TOYOTA LENDCRUISER-ის მარკის ავტომობილი, რომლითაც ზუგდიდის საკრებულოს თავმჯდომარე მამუკა წოწერია სარგებლობდა,
საზოგადოება
{{ARTICLEIMAGE}}ზუგდიდში, რუსთაველის 87 ა-ში, ეროვნული არქივის წინ ჰოსტელი „ბუდე“ გაიხსნა. მასპინძლების თქმით, ჰოსტელში მოსულ სტუმარს მყუდრო, სასიამოვნო და კომფორტული გარემო დახვდება. „ბუდეში“
ტერაბანკი მომხმარებლებს, რომლებსაც უძრავი ქონების შეძენა, მშენებლობა ან რემონტი სურთ, იპოთეკურ სესხებზე განსაკუთრებულად მოქნილ პირობებს სთავაზობს.
მეგრული ხაჭაპური და ჩურჩხელა ამერიკული ჟურნალის Forbes-ის ვერსიით, ქუჩის კვების საუკეთესო კერძების ათეულში მოხვდნენ.
გამოკითხვა
უნდა აღიმართოს თუ არა ღვთისმშობლის მოზაიკური ფრესკა ზუგდიდის მთავარ მოედანზე?
არქივი
ამინდი
ზუგდიდი 27 °C
img
სოხუმი 26 °C
img
ფოთი 25 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.