ახალი ამბები
ზუგდიდის სკოლის დირექტორები განათლების სამინისტროს აუდიტის სამსახურმა გამოკითხა
ზუგდიდის საგანმანათლებლო რესურსცენტრის ხელმძღვანელის კახა ფარცვანიას მხრიდან სკოლის დირექტორებზე შესაძლო ზეწოლის ფაქტებზე მოკვლევა მიმდინარეობს. დირექტორების ინფორმაციით, საქმეზე გამოკვლევას განათლების სამინისტროს აუდიტის სამსახური აწარმოებს და საკითხზე დირექტორების ნაწილი უკვე გამოჰკითხეს.

გამოკითხულთა შორისაა ზუგდიდის მეშვიდე საჯარო სკოლის ქართული ენისა და ლიტერატურის მასწავლებელი ნათელა ხორგუანი, რომელიც საპრეზიდენტო არჩევნების დროს დირექტორის მოვალეობას ასრულებდა. სწორედ ხორგუანმა მისწერა წერილი განათლების მინისტრს მიხეილ ბატიაშვილს ფარცვანიას მხრიდან პოლიტიკური ზეწოლის ფაქტების შესახებ. ხორგუანმა რადიო „ათინათს“ უთხრა, რომ აუდიტის სამსახურს ზუსტად ის ინფორმაცია მიაწოდა, რაც წერილში წერია.

„ამ ამბების გამო თავს ვგრძნობ ძალიან ცუდად და ვაპირებ, რომ საერთოდ, შევწყვიტო მუშაობა. უბრალოდ, ველოდები მინისტრის გადაწყვეტილებას. მე მათაც ვუთხარი, რომ ჩემი მისია შევასრულე და სიმართლე მივიტანე მინისტრთან. ახლა ჯერი მასზეა“, - აღნიშნა ხორგუანმა.

აუდიტის სამსახურის შეკითხვებს უპასუხა პირველი საჯარო სკოლის დირექტორმა ნინო გოგინავამაც. ის უარყოფს წინასაარჩევნო პერიოდში კახა ფარცვანიას მხრიდან დაბარებებსა და რამე სახის ზეწოლას.

„პირადად ჩემზე არ ყოფილა არავითარი ზეწოლა, დაბარებები, სიების მოთხოვნა და ასე შემდეგ. ასე რომ ყოფილიყო , ზეწოლას იგრძნობდა კოლექტივი, რაც ასე ნამდვილად არ მომხდარა“, - გვითხრა გოგინავამ.

რესურსცენტრის დირექტორის მხრიდან ზეწოლას კატეგორიულად გამორიცხავს და უარყოფს მეცხრე საჯარო სკოლის დირექტორი თეა გაბელაიაც. მან გვითხრა, რომ აუდიტის სამსახურის კითხვები სწორედ ამ თემას შეეხებოდა.

„იმას, რაც არ იყო, მაგას როგორ დავადასტურებდი. არასდროს მისი მხრიდან არ ყოფილა ზეწოლა და მუქარა“, - თქვა გაბელაიამ.

თავად კახა ფარცვანია ჩვენს სატელეფონო ზარებს არ პასუხობს.

რადიო „ათინათი“ განათლების სამინისტროს კომენტარს მოგვიანებით შემოგთავაზებთ.

„ევროპული საქართველოს“ წევრმა დეპუტატმა სერგი კაპანაძემ განათლების მინისტრს მიხეილ ბატიაშვილს ის წერილი წაუკითხა, რომელშიც ზუგდიდის მეშვიდე საჯარო სკოლის დირექტორის მოვალეობის შემსრულებელი ნათელა ხორგუანი საარჩევნო დავალებებსა და კახა ფარცვანიას მხრიდან ზეწოლაზე.

Print Email
FaceBook Twitter
ამავე კატეგორიაში
დღის სიახლეები
21 / სექტემბერი 2019
ხობის მუნიციპალიტეტის სოფელ ახალ ხიბულაში ლოკოკინების ფერმა „ნადი გრუპი“ გაიხსნა. ის სახელმწიფოს დახმარებით, „ერთიანი აგროპროექტის“ ფარგლებში აშენდა.
20 / სექტემბერი 2019
ზუგდიდის სოფელ კოკში, ერთიანი აგროპროექტის ფარგლებში, თხილის საშრობ-სასაწყობო ახალი საწარმო გაიხსნა. საშრობის წარმადობა 1 000 ტონას,
20 / სექტემბერი 2019
ზუგდიდში, კომბინატის დასახლებაში მშენებარე სტადიონის მეორე ეტაპის სამშენებლო სამუშაოებისთვის გამოცხადებულ ტენდერში გამარჯვებული გამოვლინდა.
საზოგადოება
{{ARTICLEIMAGE}}„ფიფლ ინ ნიდმა“ პროექტის “სამოქალაქო საზოგადოების ორგანიზაციები ევროპასთან თავისუფალი ვაჭრობის მხარდასაჭერად“ დახურვის ღონისძიება მოაწყო.
NDI-ის კვლევის თანახმად, გამოკითხულთა უმრავლესობა მთავრობის საქმიანობას უარყოფითად აფასებს. კერძოდ, რესპონდენტთა 60 %-ის აზრით, მთავრობა "ცუდად" მუშაობს,
NDI-ის მიერ 13-და 29 ივლისის ჩათვლით ჩატარებული კვლევის თანახმად, გამოკითხულთა 61% დაუსაქმებელია.
მთავარი საინფორმაციო გამოშვება
არქივი
ამინდი
ზუგდიდი 15 °C
img
სოხუმი 17 °C
img
ფოთი 17 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.