ახალი ამბები
ზუგდიდში პიანისტ ელისო ბოლქვაძის კონცერტი ჩატარდა (ვიდეო)
ზუგდიდში, დადიანების სასახლეში ეზოში, ღია ცის ქვეშ პიანისტმა და ,,იუნესკოს“ მშვიდობის ელჩმა ელისო ბოლქვაძემ დაუკრა. მსმენელისთვის ელისო ბოლქვაძემ ფრანც შუბერტისა და ფრედერიკ შოპენის მუსიკალური ნაწარმოებები შეასრულა. პიანისტის თქმით, მას იმედი აქვს, რომ უახლეს მომავალში თავის შემოქმედებას ოკუპირებულ აფხაზეთშიც გაიცნობენ.

„ძალიან ბედნიერი ვარ დღეს, რომ აქ ვიმყოფები. ზუგდიდში პირველად ვარ და ძალიან სასიამოვნოა, რომ ბათუმის ფესტივალი გაიშალა იმდენად, რომ ჩვენ ზუგდიდშიც ჩამოვედით. ფესტივალი არის ძალიან დიდი და მრავალფეროვანი. მე ვფიქრობ, რომ დღევანდელი დღე გარდა  იმისა, რომ მუსიკის დღესასწაულია, არის ძალინ მნიშვნელოვანი მესიჯი, რომელიც გვაახლოებს აფხაზეთთან. მე ძალიან დიდი იმედი მაქვს, რომ უახლოეს მომავალში ჩვენ გვექნება საშუალება, რომ მუსიკის ენით, მშვიდობის ენით შევიდეთ ჩვენს აფხაზეთში და კიდევ ბევრი ადამიანი გავახაროთ ჩვენი შემოქმედებით. ეს ოცნება უნდა აგვიხდეს. ეს იქნება მუსიკალური ენით მიმართული მესიჯი, რომელიც უნდა გაიგოს იმ ადამიანებმა, რომლებსაც ევალებათ, რომ ეს კონფლიქტი მოაგვარონ“, - ამბობს ელისო ბოლქვაძე.

ელისო ბოლქვაძესთან ერთად კონცერტში მონაწილება აფხაზეთის სახელმწიფო კაპელამაც მიიღო, რომელსაც ზვიად ბოლქვაძე ხელმძღვანელობდა.

„როდესაც ასეთი საღამოები იმართება და ადამიანები იღიმიან, ჩემთვის ეს ძალიან მნიშვნელოვანია. ეს ფესტივალი არის იმედის მომცემი, რომ კიდევ უამრავი მუსიკოსი აღიზარდოს საქართველში. მე იმედი მაქვს, რომ ასეთი ღონისძიებები მრავლად გვექნება საქართველოში. ჩემთვის და აფხაზეთის კაპელისთვის ამ ფესტივალში მონაწილეობა არის სიხარული და დიდი პატივი“, - აღნიშნა ზვიად ბოლქვაძემ.

დღევანდელი საღამოს მნიშვნელობაზე ისაუბრა სამეგრელო-ზემო სვანეთის გუბერნატორმა ალექსანდრე მოწერელიამ.

„კულტურული ცხოვრება ჩვენი ყოფის ერთ-ერთი უდიდესი შემადგენელი ნაწილია და ძალიან მნიშვნელოვანია ასეთი მაღალი დონის კონცერტის ჩატარება. განსაკუთრებით ჩვენს მუნიციპალიტეტში, იქ სადაც სამწუხაროდ არის  ხელოვნური ბარიერი გავლებული  და ჩვენი მოქალაქეები აფხაზეთში სამწუხაროდ ვერ ეზიარებიან იმ კულტურულ ცხოვრებას, რასაც დანარჩენი საქართველოს ნაწილში ჩვენ ვხედავთ“, - განაცხადა მოწერელიამ.

კონცერტი ზუგდიდისა და ცაიშის მიტროპოლიტის მეუფე გერასიმეს ლოცვა-კურთხევით ჩატარდა.
ღონისძიების ორგანიზებისთვის მერიამ 16 ათასამდე ლარი დახარჯა. შესაბამისი ტენდერი 19 აგვისტოს გამოაცხადა.
Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
29 / მარტი 2024
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
29 / მარტი 2024
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
29 / მარტი 2024
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 14 °C
img
სოხუმი 16 °C
img
ფოთი 14 °C
img
მესტია 13 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.