არჩევნები
რაზე ისაუბრეს სამეგრელოს მერებმა ივანიშვილთან შეხვედრაზე
სამეგრელოს მუნიციპალიტეტის მერებმა საპრეზიდენტო არჩევნების მეორე ტურის წინ პარტია "ქართული ოცნების" თავმჯდომარესთან ბიძინა ივანიშვილთან და სხვა ლიდერებთან კონსულტაციები გაიარეს. შეხვედრას არ ესწრებოდა თავად პრეზიდენტობის კანდიდატი სალომე ზურაბიშვილი. 

ისინი გუშინ თბილისში, „ქართული ოცნების“ ცენტრალურ ოფისში იყვნენ, სადაც, მათივე თქმით, არჩევნებში დამარცხების მიზეზებსა და სამომავლო გეგმებზე ისაუბრეს.

ჩხოროწყუს მერმა დავით გოგუამ რადიო „ათინათს“ უთხრა, რომ პარტიის ხელმძღვანელებმა მათ პირველ ტურში წაგების მიზეზები კითხეს. გოგუას თქმით, მეორე ტურამდე კონკრეტული დავალება არ მიუღიათ, თუმცა, ის მოსახლეობასთან მეტი კომუნიკაციის საჭიროებაზე საუბრობს.

alt

„დეტალურად დავსახეთ გეგმები და ამოცანები, რაც უნდა განვახორციელოთ მეორე ტურამდე, თუ რამე ნაკლოვანებები იყო, აღმოვფხვრათ, საჭიროა მეტი მოტივაცია, რომ დამაჯერებელ გამარჯვებას მივაღწიოთ. ასევე, მეტი ყურადღება მოსახლეობას, მათთან შეხვედრების გამართვა და ინფორმაციის მიწოდება, თუ რას ვაკეთებთ. ვისაუბრეთ დამარცხების მიზეზებსა და გამოსწორების გზებზეც“, - თქვა გოგუამ.

პარტიის ოფისში შეხვედრას მუნიციპალიტეტის სხვა მერებთან ერთად დაესწრო მარტვილის მერი ალექსანდრე გრიგალავაც. მან თქვა, რომ საუბარი არჩევნებს შეეხებოდა, თუმცა, დეტალების გასაჯაროებისგან თავი შეიკავა.

alt

„რა თქმა უნდა ვისაუბრეთ წაგების მიზეზებზე და სამომავლო გეგმებზეც, თუმცა ამაზე დეტალურად ვერ ვილაპარაკებ“, - გვითხრა გრიგალავამ.

შეხვედრაზე იყო ხობის მერი გოჩა ქაჯაიაც, თუმცა, მან რადიო "ათინათს" უთხრა, რომ შეხვედრაზე არჩევნებთან დაკავშირებულ საკითხებზე არ უსაუბრიათ.

"იყო ჩვეულებრივი პარტიული განხილვა, მეტი არაფერი", - აღნიშნა ქაჯაიამ.

გუშინ მმართველი პარტიის ცენტრალურ ოფისში „ქართული ოცნების“ ხელმძვანელები მუნიციპალიტეტების მერებს, საარჩევნო შტაბების უფროსებსა და რეგიონული ორგანიზაციის ხელმძრვანელებს შეხვდნენ.

სამეგრელოში სალომე ზურაბიშვილმა არჩევნების პირველ ტურში მხოლოდ მესტიაში, აბაშასა და ხობში გაიმარჯვა.

ამავე თემაზე:

„ქართული ოცნების“ ცენტრალურ ოფისში სამეგრელოს მუნიციპალიტეტების მერებიც დაიბარეს

როგორ გადანაწილდა ხმები სამეგრელო-ზემო სვანეთის მუნიციპალიტეტებში 
Print Email
FaceBook Twitter
ამავე კატეგორიაში
დღის სიახლეები
22 / აპრილი 2019
მირიანე მარკელიას მხარდასაჭერი აქცია, რომელიც ზუგდიდის რაიონულ პროკურატურასთან მიმდინარეობდა დაიშალა. აღნიშნული გადაწყვეტილება მსჯავრდებულის ახლობლებმა მას შემდეგ მიიღეს,
22 / აპრილი 2019
კახა ბერიკაშვილი, რომელიც თბილისიდან ჩამოვიდა ამბობს, რომ პანკისელ ხალხს სოლიდარობას უცხადებს და არ სურს, რომ ზუგდიდში მმართველი პარტიის კანდიდატმა გაიმარჯვოს.
22 / აპრილი 2019
მირიანე მარკელიას ოჯახის წევრები სამეგრელო-ზემო სვანეთის მთავარ პროკურორთან შეხვედრას ითხოვენ. ისინი ზუგდიდის რაიონული სასამართლოს გადაწყვეტილებას
საზოგადოება
ტერაბანკმა სპეციალურად ემიგრანტებისთვის იპოთეკური სესხის ახალი პროდუქტი შექმნა. სესხი შემოსავლების დადასტურების გარეშე გაიცემა და მის მისაღებად მსურველებს დამატებითი უზრუნველყოფა არ სჭირდებათ.
ზუგდიდელმა ქალმა, რომელსაც მეუღლე, დაახლოებით, 2 წლის წინ ავტოსაგზაო შემთხვევის შედეგად დაეღუპა, მისგან შვილი, დაახლოებით, ერთი კვირის წინ გააჩინა.
სოფელ ანაკლიაში, შელიების სახლში რელიქვიად ინახება ზვიად გამსახურდიას წერილი, რომელიც მან ზუგდიდში, "სამეგრელოს აღორძინების ფონდს" გამოუგზავნა.
გამოკითხვა
მიდიხართ თუ არა ზუგდიდის მერის რიგგარეშე არჩევნებზე?
არქივი
ამინდი
ზუგდიდი 11 °C
img
სოხუმი 14 °C
img
ფოთი 9 °C
img
მესტია 6 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.