ახალი ამბები
პრემიერი ანაკლიის პორტზე: ყველას ურჩევნია ფოკუსირება გააკეთოს რეალური საქმის გაკეთებაზე
საქართველოს პრემიერ-მინისტრმა მამუკა ბახტაძემ განაცხადა, რომ  ანაკლიის პორტის პროექტი შედგება, თუ სახელმწიფო კონსორციუმი და კერძო სექტორი თავის ვალდებულებებს შეასრულებენ. მისივე თქმით, იგი პირადად იყო დაინტერესებული, რომ ეს პროექტი მოხვედრილიყო პრიორიტეტულ პროექტთა ნუსხაში, რომელიც დაამტკიცა ევროკავშირმა.

„300 მილიონის ვალდებულება ავიღეთ, რომ სახელმწიფო გააკეთებს ინვესტირებას. გამოვისყიდეთ რამდენიმე ათეული მილიონი ლარის მიწები. საპარტნიორო ფონდს აქვს ვალდებულება 100 მილიონი დოლარის, რომ გააკეთოს დაფინანსება. პირადად მე ვიყავი ჩართული და პირდაპირ გეუბნებით, რომ ეს პროექტი მოხვედრილიყო პრიორიტეტულ პროექტთა ნუსხაში, რომელიც დაამტკიცა ევროკავშირმა. პირადად მე მქონდა თხოვნა ოპეკთან, რომ განეხილათ და ჰქონოდათ პერსპექტიულ პროექტთა ნუსხაში. რომელს აქვს იმაზე მეტი გაკეთებული, ძალიან მაინტერესებს, მათ შორის, პარლამენტს გარეთ, რომელიც დღეს ჩასაფრებული ხალხის პოზიციიდან საუბრობს?! რომ ვამბობთ, ეს არის სტრატეგიული პროექტი, ე.ი. არის და ამისთვის ყველაფერი კეთდება. ყველას ურჩევნია ფოკუსირება გააკეთოს რეალური საქმის გაკეთებაზე. სახელმწიფო თავის ვალდებულებას შეასრულებს, კონსორციუმმა და კერძო სექტორმაც თავისი ვალდებულება შეასრულოს და ეს პროექტი შედგება“, - განაცხადა ბახტაძემ, პარლამენტის პლენარულ სხდომაზე.

29 მაისს "ეიპიემ ტერმინალს ფოთმა" გაავრცელა ინფორმაცია, რომ მათ ეკონომიკის სამინისტროსგან ღრმაწყლოვანი პორტის მშენებლობის ნებართვა მიიღეს. მანამდე, ქალაქ ფოთის მერიამ საკუთარ ფეისბუქ გვერდზე გამოაქვეყნა ცნობა, რომ ფოთში ახალი საზღვაო ნავსადგურის მშენებლობა იწყება. პროექტის პირველი ეტაპის სამუშაოების ღირებულება 250 მილიონი ამერიკული დოლარია.

ანაკლიის განვითარების კონსორციუმმა 30 მაისს განცხადება გაავრცელა, რომელშიც ამბობდა, რომ თუკი მთავრობის მხრიდან რეაგირება არ მოჰყვა ფოთის ღრმაწყლოვანი ნავსადგურის მშენებლობის ნებართვასთან და ამ ინფორმაციის კონსორციუმისთვის დამალვასთან დაკავშირებით, ანაკლიის პროექტი შეჩერდება. მოგვიანებით, საქართველოს ეკონომიკისა და მდგრადი განვითარების მინისტრმა ნათია თურნავამ განაცხადა, რომ სამინისტრომ კომპანია „ეიფიემ ტერმინალსს“ ფოთში მშენებლობასთან დაკავშირებით გაცემული ნებართვა გაუუქმა. მისი განმარტებით, ნებართვა ეხებოდა არა მშენებლობას, არამედ მიწათსარგებლობის უფლებას. 

ამავე თემაზე:
ანაკლიის პორტის პროექტი შესაძლოა შეჩერდეს

მინისტრი: მთავრობამ ფოთის პორტთან დაკავშირებით გაცემული ნებართვა გააუქმა
Print Email
FaceBook Twitter
ამავე კატეგორიაში
დღის სიახლეები
18 / ოქტომბერი 2019
ზუგდიდის სოფელ რუხში კარიერზე მინერალური ქვა იპოვეს. ის დაახლოებით 10-15 კილოგრამს იწონის.
18 / ოქტომბერი 2019
თბილისში, სამი მეგობრის მიერ შექმნილ გალერეაში, ზუგდიდელი მხატვრის ბექა სვირავას ნამუშევრების გამოფენა-გაყიდვა მოეწყობა.
18 / ოქტომბერი 2019
მარტვილის კანიონის განვითარების პროექტი ევროპის საბჭოს ევროპის ლანდშაფტებშია კონვენციის ფარგლებში ჩატარებული კონკურსის გამარჯვებული გახდა.
საზოგადოება
ქართული სამშენებლო კომპანია „პრაიმ ბეტონი“ (Prime Concrete) ფოთის პორტში ახალ „პეის ტერმინალს“ (Pace Terminal) აშენებს, რომლის სამშენებლო სამუშაოების საერთო ღირებულება 20 მლნ აშშ დოლარს შეადგენს.
დადიანების სასახლეთა ისტორიულ-არქიტექტურული მუზეუმის ეზოში მატერიალური მხარდაჭერის კონკურსში გამარჯვებულები დაჯილდოეს. ღონისძიება საერთაშორისო ორგანიზაცია
სამეგრელოში მომდევნო ხუთი დღის განმავლობაში უნალექო ამინდები შენარჩუნდება.
მთავარი საინფორმაციო გამოშვება
არქივი
ამინდი
ზუგდიდი 22 °C
img
სოხუმი 22 °C
img
ფოთი 22 °C
img
მესტია 15 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.