საგანგებო სიტუაციების მართვის სამსახური შავი ზღვის სანაპიროზე დამსვენებლებს საშტორმო მდგომარეობასთან დაკავშირებით აფრთხილებს. უწყების მიერ გავრცელებულ განცხადებაში აღნიშნულია, რომ 4 აგვისტოს, ზღვაზე მოსალოდნელია 3-4-ბალიანი შტორმი, რის გამოც ბანაობა აკრძალულია.

"შავი ზღვის სანაპიროზე, ყველა სამაშველო კოშკურაზე აღმართულია წითელი ალამი. ყურადღება მიაქციეთ ამკრძალავ ნიშნებს. კოშკურებზე თეთრი ალმის აღმართვის შემთხვევაში ზღვაში შესვლა ნებადართული იქნება", - აღნიშნულია განცხადებაში.

ამავე ცნობით,აკრძალვა მოქმედებს 5 აგვისტოს 10:00 საათამდე. საგანგებო სიტუაციათა მართვის სამსახური შავ ზღვაზე დამსვენებლებს უსაფრთხოების წესების დაცვისკენ მოუწოდებს.