გამოცდების ეროვნული ცენტრის ხელმძღვანელის, სოფო გორგოძის ინფორმაციით, 2020 წლიდან სკოლებში გამოსაშვები გამოცდები მოიხსნება. როგორც მან განათლების სისტემის ახალი მოდელის პრეზენტაციაზე განაცხადა, ძირითადი ცვლილებები 2020 წელს ამოქმედდება.

2019 წელს კი მე-11 კლასის მოსწავლეებისთვის გაუქმდება გამოსაშვები გამოცდები, თუმცა მეთორმეტე კლასელებისთვის შენარჩუნდება. 

სამინისტროში აცხადებენ, რომ ცვლილება განათლების სისტემაში სკოლის როლის გაძლიერებას ემსახურება.