სამაუწყებლო კომპანია ,,რუსთავი 2”-ის გენერალური დირექტორი, ნიკა გვარამია შსს-ს ცენტრალური კრიმინალური პოლიციის დეპარტამენტში 3 ნოემბერს დაკითხვაზეა დაბარებული. ამის შესახებ ინფორმაციას ,,რუსთავი 2” ავრცელებს.

ტელეკომპანიის ცნობით, გვარამია კომპიუტერულ სისტემაში უნებართვოდ შეღწევის, პირადი საუბრების უკანონოდ მოპოვებისა და გავრცელების საქმეზეა დაბარებული.

შსს-მ ნიკა გვარამიას საჯარო განცხადების საფუძველზე გამოძიება მიმდინარე წლის 3 ოქტომბერს დაიწყო. საქმე ეხება ინტერნეტში ნიკა გვარამიასა და მამუკა ახვლედიანის საუბრის ჩანაწერის გავრცელებას.