საქართველოს კულტურისა და ძეგლთა დაცვის მინისტრმა მიხეილ გიორგაძემ საქართველოს ეროვნული კინემატოგრაფიის ცენტრის ხელმძღვანელს ნანა ჯანელიძესა და ისრაელის კინოფონდის დირექტორს კეტრიელ შორს უმასპინძლა. შეხვედრის დროს საუბარი შეეხო ქართული კინემატოგრაფიის განვითარების სამომავლო გეგმებს. კეტრიელ შორის განცხადებით, ის მზად არის საკუთარი მრავალწლიანი გამოცდილება ქართულ მხარეს გაუზიაროს.