საპატრიარქოში წმინდა სინოდის სხდომა დასრულდა
15:31 / 23.12.2014
საქართველოს საპატრიარქოში წმინდა სინოდის სხდომა დასრულდა. როგორც ჟურნალისტებთან საუბრისას წილკნის მიტროპოლიტმა ზოსიმემ განაცხადა, წმინდა სინოდის სხდომაზე სხვადასხვა საკითხებზე იმსჯელეს, მათ შორის ეკუმენიზმზე და სხვადასხვა ქრისტიანულ კონფესიასთან დამოკიდებულებაზე.
"ეკლესიის საკითხები განვიხილეთ, ისეთი არაფერი – ეკლესიის დამოკიდებულება ეკუმენიზმთან, ეკუმენისტურ მოძრაობასთან, ასევე ეკლესია და სხვა ქრისტიანული კონფესები, მათთან ურთიერთობები და ა.შ." - განაცხადა მეუფე ზოსიმემ.
მისივე თქმით, არქიმანდრიტ დიმიტრი თეთრუაშვილის საკითხის განხილვა სხდომაზე გადაიდო. გავრცელებული ინფორმაციით, არქმანდრიტი დიმიტრი ჰერეთის ეპისკოპოსად უნდა ეკურთხათ.სინოდის სხდომის განჩინების სრულ ტექსტს პატრიარქის ქორეპისკოპოსი გამოაქვეყნებს. სინოდის სხდომას საქართველოს კათოლიკოს-პატრიარქი, უწმინდესი და უნეტარესი ილია მეორე უძღვებოდა.
მასალის გამოყენების პირობები