შს მინისტრის მოადგილის, შალვა ხუციშვილის ინფორმაციით, უწყება მართვის მოწმობის პრაქტიკული გამოცდის ჩაბარების კუთხით რამდენიმე ათეული ქვეყნის გამოცდილებას გაეცნო. მისივე თქმით, დღეს არსებული სისტემა შეცვლილი გამოცდის ერთ-ერთი შემადგენელი ნაწილი იქნება.

”გამოცდა მხოლოდ ერთ ქუჩაზე არ იქნება, ის ჩატარდება, ალბათ, ქალაქში. ერთ-ერთი ვარიანტია, რომ ავტომობილები აღიჭურვოს კამერებით და შესაბამისი ანალიტიკური პროგრამით, რომელიც ამას ყველაფერს დააფიქსირებს“, - აღნიშნა მან.

მართვის მოწმობის პრაქტიკული გამოცდის სიახლეებზე მომავალში პრეზენტაცია გაიმართება.