"ლაზიკა კაპიტალის" ზუგდიდის ფილიალმა დღეს ტაქსის მძღოლებს პროფესიული დღესასწაული მიულოცა და სპეციალური პირობები შესთავაზა. მიკროსაფინანსო ორგანიზაცია ტაქსის მძღოლებს 0 %-ანი განვადებას სთავაზობს ავტოსათადარიგო ნაწილებზე, საბურავებზე, ავტომობილის ზეთებსა და ავტოსერვისზე.




ცნობისთვის, ტაქსის მძღოლის პროფესიული დღესასწაულის აღნიშვნას საფუძველი 1907 წელს დაედო. სწორედ ამ წლის 22 მარტს ლონდონის ქუჩებში პირველი ავტომობილები გამოჩნდნენ, რომლებიც სპეციალური მრიცხველებით იყვნენ აღჭურვილნი. ლონდონელმა მძღოლებმა მრიცხველს "ტაქსიმეტრი" დაარქვეს, რაც ფრანგულად "გადასახადს", ხოლო ბერძნულად "გაზომვას" ნიშნავს.