ზუგდიდში მთავარი ქუჩის რეაბილიტაცია დასრულდა
12:53 / 12.11.2014
ზუგდიდის მუნიციპალიტეტში ხუბულავას ქუჩის რეაბილიტაცია დასრულდა. 2 კმ-იანი რეაბილიტირებული გზა საქართველოს რეგიონული განვითარებისა და ინფრასტრუქტურის მინისტრმა დავით შავლიაშვილმა მოინახულა. მინისტრი ადგილობრივ მოსახლეობას შეხვდა და მათ პრობლემებს გაეცნო.
"ხუბულავას ქუჩა ზუგდიდში ყველაზე დიდი - 2 კილომეტრიანი ქუჩაა. ქუჩაზე გზის საფართან ერთად, გაკეთდა სანიაღვრე სისტემები. ამორტიზებული საგზაო ინფრასტრუქტურის გამო, ზუგდიდის მოსახლეობას ხუბულავას ქუჩით გადაადგილება პრობლემას წლების განმავლობაში უქმნიდა. სარეაბილიტაციო სამუშაოების დასრულების შემდეგ, ადგილობრივები უსაფრთხო და კომფორტული გზით სარგებლობენ. აღნიშნული გზა ზუგდიდის მუნიციპალიტეტს ანაკლიასთან, განმუხურთან და კიდევ 5 სოფელთან აკავშირებს. პროექტი საქართველოს რეგიონული განვითარებისა და ინფრასტრუქტურის სამინისტროს მუნიციპალური განვითარების ფონდის მიერ, მსოფლიო ბანკისა და სახელმწიფო ბიუჯეტის თანადაფინანსებით განახორციელდა", - აცხადებენ რეგიონული განვითარებისა და ინფრასტრუქტურის სამინისტროში.
პროექტის საერთო ღირებულებამ 4 მილიონი ლარი შეადგინა.
მასალის გამოყენების პირობები