მისივე განმარტებით, „ნაციონალური მოძრაობის“ მიერ დაქირავებული 6 სამარშუტო ტაქსის მძღოლი, რომელთაც აქციაზე მოქალაქეები უნდა გადაეყვანათ, თბილისში წასვლაზე უარს პოლიციაში დაბარების შემდეგ ამბობენ. თუმცა "ნაციონალური მოძრაობის" ადგილობრივ ოფისში გამართულ საგანგებო ბრიფინგზე პოლიციის მიერ დაშინებული კონკრეტული მძღოლები არ დაუსახელებიათ.

ჩხოროწყუს პოლიციის სამმართველოს უფროსი ჯუმბერ იზორია კი აცხადებს, რომ "ნაციონალური მოძრაობის" ბრალდება აბსურდულია და პოლიცია მსგავს ქმედებებში ჩართული არ არის.