საჯარო სამსახურში გამოცხადებულ ვაკანსიებზე ტესტირების ჩატარების თარიღი ცნობილია
13:17 / 02.12.2014
ზუგდიდის მუნიციპალიტეტის ადგილობრივი თვითმმართველობის (საკრებულო/გამგეობა) მიერ გამოცხადებულ 187 ვაკანსიაზე მეორე ეტაპზე დაშვებულ აპლიკანტთა სია და ტესტირების ჩატარების თარიღი ცნობილია.
კონკურსის პირველ ეტაპზე სხვადასხვა თანამდებობებზე სულ 1668 განაცხადი იქნა შეტანილი. კონკურსანტთა აპლიკაციები ზუგდიდის მუნიციპალიტეტის საკონკურსო-საატესტაციო კომისიამ შეისწავლა და მეორე ეტაპზე – ტესტირებაზე 552 აპლიკანტი შეირჩა.
კონკურსი მიმდინარე წლის 5–8 დეკემბრის ჩათვლით ჩატარდება მისამართზე: ქ. ზუგდიდი, იუსტიციის სახლი (თეატრის ქ. N 2). ერთი საკონკურსო დღის განმავლობაში 35 აპლიკანტისგან შემდგარი სამი ჯგუფი გაივლის ტესტირებას. კონკურსის დღეს კონკურსანტმა თან უნდა იქონიოს პირადობის დამადასტურებელი მოწმობა ან საქართველოს მოქალაქის პასპორტი.
მასალის გამოყენების პირობები