Facebook-მა დაიწყო ინსტრუმენტის ტესტირება, რომელიც აპლიკაცია Messenger-ში, ხმოვან შეტყობინებებს ტექსტურში გადაიყვანს, - განაცხადა სოციალური ქსელის ვიცე-პრეზიდენტმა დევიდ მარკუსმა. მარკუსს მიაჩნია, რომ Facebook-ის აზრით ეს ფუნქცია პოპულარული იქნება განსაკუთრებით აზიაში, სადაც ტექსტის აკრეფა კლავიატურაზე უფრო რთულია. სოციალური ქსელის ტოპ-მენეჯერს არ დაუკონკრეტებია როდის გაუშვებენ ამ ახალ სერვისს. მისი თქმით, Facebook Messenger -ს ყოველთვიურად 500 მლნ აქტიური მომხმარებელი ჰყავს.