უკრაინის აღმოსავლეთით, ზავის პირობების თანახმად, 648 ტყვედ აყვანილი უკრაინელი ჯარისკაცი გაათავისუფლეს, განაცხადა უკრაინის შეიარაღებული ძალების სარდლობამ. გავრცელებული ინფორმაციის თანახმად, მიმდინარეობს მოლაპარაკება 500 სამხედრო მოსამსახურის გათავისუფლების შესახებ. ორშაბათს , უკრაინის პრეზიდენტმა პოროშენკომ 1200 ჯარისკაცის გათავისუფლების შესახებ განაცხადა, თუმცა უკრაინის სამხედრო უწყებაში განმარტეს, რომ დასახელებული რიცხვის მხოლოდ ნახევარი - 648 ადამიანია გათავისუფლებული. სეპარატისტები აცხადებენ, რომ უკრაინელი სამხედროების ტყვეობაში მათი 311 მეომარი იმყოფება. გასულ კვირას მოწინააღმდეგე მხარეები ზავზე შეთანხმდენენ, რომლის პირობების თანახმად, ყველა ტყვე უნდა გათავისუფლდეს.