ჯერჯეობით უცნობია, როდის გადმოასვენებენ კახა ბენდუქიძეს საქართველოში. დეტალები ზუსტდება. გარდაცვალების მიზეზი, წინასწარი ინფორმაციით, გულის უკმარისობა გახდა. მან რამდენიმე კვირის წინ შვეიცარიის ერთ-ერთ კლინიკაში სტენტირების ოპერაცია გაიკეთა. ბოლოს ის ლონდონში, ერთ-ერთ სასტუმროში იმყოფებოდა. ეკონომიკის ყოფილი მინისტრი და "თავისუფალი უნივერსიტეტის" დამფუძნებელი 58 წლის იყო. გვიან ღამით "თავისუფალ უნივერსიტეტში" კახა ბენდუქიძის კოლეგები და სტუდენტები შეიკრიბნენ. მათ ბენდუქიძის მიერ განხორციელებული პროექტების მნიშვნელობაზე ისაუბრეს.