მიხეილ სააკაშვილზე ინტერპოლს ძებნა ჯერ არ გამოუცხადებია
12:05 / 09.12.2014
მიხეილ სააკაშვილზე ინტერპოლს ძებნა ამ დრომდე არ გამოუცხადებია. როგორც საქართველოს მთავარი პროკურორის მოადგილემ, ირაკლი შოთაძემ ჟურნალისტებს დღეს განუცხადა, ინტერპოლს ქართულმა მხარემ მოთხოვნა უკვე გაუგზავნა, თუმცა პასუხი ჯერ არ მიუღია.
"პროკურატურამ შუამდგომლობით მიმართა ინტერპოლს და ველოდებით გადაწყვეტილებას. ამ ეტაპზე ინტერპოლს შესაბამისი გადაწყვეტილება მიღებული არ აქვს", - განაცხადა ირაკლი შოთაძემ.
საქართველოს ყოფილ პრეზიდენტს მიხეილ სააკაშვილს ბრალი ოთხ საქმეზე აქვს წარდგენილი. 7 ნოემბრის საქმეზე კი, აღმკვეთი ღონისძიების სახით თბილისის საქალაქო სასამართლომ პატიმრობა შუეფარდა. მასზე შიდა ძებნა უკვე გამოცხადებულია.
მასალის გამოყენების პირობები