ვერშბოუ- ნატო მომავალში მხარს დაუჭერს საქართველოს ალიანსში გაწევრიანებას
12:26 / 30.01.2015
30 იანვარს სრულდება ნატოს გენერალური მდივნის მოადგილის ალექსანდერ ვერშბოუს ვიზიტი საქართველოში. დღეს ის მონაწილეობას მიიღებს „საქართველოს ატლანტიკური საბჭოს“ მიერ ორგანიზებულ დისკუსიაში - „ნატო უელსის სამიტის შემდეგ“. ალექსანდერ ვერშბოუ 29 იანვარს შეხვდა საქართველოს ხელისუფლებისა და ოპოზიციის წარმომადგენლებს.
თავის „ტვიტერის“ გვერდზე ვერშბოუ წერს: „ნატოს 28-ვე წევრი ქვეყანა მხარს უჭერს მომავალში საქართველოს ალიანსში გაწევრიანებას, მის მიერ ყველა აუცილებელი მოთხოვნის შესრულების შემთხვევაში“. ვერშბოუ აგრეთვე წერს: „ნატოსა და საქართველოს აქვთ ძლიერი პარტნიორობა, აქტიური პოლიტიკური დიალოგი და სამხედრო ძალებს შორის მჭიდრო თანამშრომლობა“.
მასალის გამოყენების პირობები