საქართველოს პრეზიდენტის არჩევნების მეორე ტური 28 ნოემბერს გაიმართება. თარიღი ცენტრალურმა საარჩევნო კომისიამ 14 ნოემბერს გამართულ სხდომაზე, საქართველოს პრეზიდენტის 2018 წლის 28 ოქტომბრის არჩევნების პირველი ტურის შედეგების შეჯამებისა და განკარგულების გამოცემის შემდეგ გამოაცხადა.

საქართველოს საარჩევნო კოდექსის თანახმად, შემაჯამებელი ოქმის დამტკიცების შემდეგ, არჩევნების მეორე ტური მე-14 დღეს უნდა გაიმართოს. შემაჯამებელი ოქმის დამტკიცების ბოლო ვადა ცესკოს 17 ნოემბრამდე ჰქონდა.

28 ნოემბერი ოთხშაბათია, თუმცა საარჩევნო კოდექსის თანახმად, არჩევნების დღე უქმე დღედ ცხადდება.