პაციენტებზე ებოლის საწინააღმდეგო ექსპერიმენტული ვაქცინის გამოცდამ უჩვენა, რომ ის უსაფრთხოა და მას შეუძლია ადამიანის უმუნურ სისტემას ვირუსთან ბრძოლაში დაეხმაროს. ვაქცინა, რომელიც ბრიტანულმა ფარმაცევტულმა გიგანტმა GlaxoSmithKline (GSK) შეიმუშავა, აშშ-ში 20 მოხალისეს შეუყვანეს. ამერიკელმა მეცნიერებმა,რომლებიც კვლევაში მონაწილეობენ, მიღებულ შედეგებს „დამაიმედებელი“ უწოდეს. ვაქცინაციის მონაწილეთაგან არც ერთს არ მიუღია სერიოზული გვერდითი ეფექტები და ყოველი მათგანის ორგანიზმმა ანტისხეულების გამომუშავება დაიწყო. მოხალისეები ორ ჯგუფად დაყვეს . ერთმა ჯგუფმა ვაქცინის დიდი დოზა მიიღო, მეორემ - მცირე. ანტისხეულების უფრო აქტიური გამომუშავება იმ ადამინებს აღენიშნათ, ვისაც ვაქცინის დიდი დოზა შეუყვანეს. კვლევის შედეგები სამედიცინო-მეცნიერულმა ჟურნალმა