ავსტრალიის ქ. ბრისბენს, ბოლო 30 წლის განმავლობაში, უძლიერესი ქარიშხალი დაატყდა თავს. კოკისპირულმა წვიმამ და სეტყვამ ქუჩაში მოძრავი ავტომობილები დატბორა. ტრანსპორტის მოძრაობა პარალიზებულია. ქარმა, რომლის სიჩქარე 140 კმ/სთ აღწევდა, სახლებს სახურავები მოგლიჯა და ფანჯრები ჩაამსხვრია. გაწყვეტილია ელექტროგადამცემი ხაზები , ელექტროენერგიის გარეშე 90 ათასი სახლი დარჩა. დაკეტილია სკოლები და საბავშვო ბაღები. სტიქიის შედეგების აღმოსაფხვრელად არმიაა მოზიდული. ქვეყნის მთავრობის შეფასებით, ქალაქის აღსადგენად საჭირო თანხამ, შესაძლოა ასობით მილიონ დოლარს გადააჭარბოს