რეგიონი
ხაზარაძე: არარსებულ საქმეზე გამოძიება პირდაპირ ურტყამს ანაკლიის პორტის დაფინანსებას
„თიბისი ბანკის“ სამეთვალყურეო საბჭოს თავმჯდომარე და „ანაკლიის განვითარების კონსორციუმის“ დამფუძნებელი მამუკა ხაზარაძე ამბობს, რომ პროკურატურის მიერ ე.წ. „არარსებულ" საქმეზე დაჩქარებული გამოძიების დაწყება ხელს უშლის ანაკლიის პორტის დაფინანსებას. ეს მან ჟურნალისტებისთვის გამართულ ბრიფინგზე განაცხადა.

ხაზარაძის თქმით, ის, ჯერჯერობით, დასკვნებს ვერ გააკეთებს.

„ბოლო ხუთი წელი მიმდინარეობს მოლაპარაკება საფინანსო ინსტიტუტებთან. რამდენიმე კვირის წინ დაასრულეს საერთაშორისო კომპანიებმა პროექტის ყველა ასპექტის შესწავლა, ჩვენ ველოდებით ფინანსურ დახურვას მაისი-ივნისის თვეში. ეს დაჩქარებული გამოძიება, რომელიც დაიწყო და ინფორმაციის გაჟონვა თითქოსდა ჩემი და ბადრი ჯაფარიძის (თიბისი ბანკის სამეთვალყურეო საბჭოს თავმჯდომარის მოადგილე.ავტ) შესახებ, პირდაპირ ურტყამს ამ ხელშეკრულებების გაფორმების პროცედურას... რომელი საფინანსო ინსტიტუტი მოაწერს ხელს იმ პირებთან, რომელთანაც პარალელურად იხსნება ე.წ. არარსებული საქმე. ამაზე მეტ კომენტარს არ გავაკეთებ. ერთი მხრივ, სახელმწიფო მხარში გვიდგას, მეორე მხრივ კი, ერთ-ერთი სტრუქტურა აკეთებს ასეთ განცხადებას. ეროვნულმა ბანკმა ეს თქვა მაშინ, როცა სასამართლოც კი არაა დანიშნული“, - აღნიშნა ხაზარაძემ.

მან ასევე თქვა, რომ ანაკლიის პორტის პროექტი გეგმიდან არ ამოვარდნილა და პირველი გემის მიღება ისევ 2020 წელსაა დაგეგმილი, თუმცა დასძინა, რომ ეს იმ შემთხვევაში, თუ ამ ფაქტორებმა პროექტს ხელი არ შეუშალა.

„საქმე ეხება ჩვენი ქვეყნის პერსპექტივას და ყველა დაინტერსებულ მხარს მოვუწოდებთ დროზე გაირკვეს სიტუაცია, დროზე დაიხუროს არარსებული საქმე, რომ მეც და ბადრიმაც ვაკეთოთ ჩვენი საქმე“, - თქვა ხაზარაძემ.

ეროვნული ბანკი "თიბისი ბანკისგან" სამეთვალყურეო საბჭოს თავმჯდომარისა და თავმჯდომარის მოადგილის მიერ საბჭოს წევრობის დატოვებას ითხოვს. მათივე ინფორმაციით, რეგულატორის მოთხოვნა უკავშირდება 2007-2008 წელს შესრულებულ კონკრეტულ ტრანზაქციებს, რომლებიც ეროვნული ბანკის მიერ კლასიფიცირდება როგორც ინტერესთა კონფლიქტის მარეგულირებელი კანონმდებლობის დარღვევა. პროკურატურამ გამოძიება 194 მუხლის მესამე ნაწილით დაიწყო, რაც უკანონო შემოსავლების ლეგალიზაციის, ანუ ფულის გათეთრებას გულისხმობს.

ამავე თემაზე:

მამუკა ხაზარაძე ანაკლიის პორტზე: ყველაფერი შეიძლება მოხდეს, თუმცა მწამს, რომ პროექტი შედგება

მამუკა ხაზარაძე: ეჭვი მაქვს, რომ ჩვენი რეპუტაციის შემლახველი კამპანია ანაკლიის პორტს უკავშირდება

ბახტაძე: ცუდი სპეკულაციაა ანაკლიის პორტის დაკავშირება "თიბისი ბანკის" თემასთან

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ამავე კატეგორიაში
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 9 °C
img
სოხუმი 11 °C
img
ფოთი 12 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.