ახალი ამბები
კადრები გაღმა ნაპირიდან - მავთულხლართით გაყოფილი სამგლოვიარო პროცესია
სოციალურ ქსელში ოტობაია-ორსანტიას ხიდთან შემდგარი სამგლოვიარო პროცესიის ახალი ფოტოები ვრცელდება. ფოტოები ოკუპირებული აფხაზეთის მხარესაა გადაღებული. ფეისბუქ ჯგუფში „დევნილები დევნილებისთვის“ გამოქვეყნებულ კადრებში ჩანს, თუ როგორ მოასვენა ოჯახმა ხიდთან მიცვალებული, რათა ენგურს გამოღმა, ხიდის მეორე მხარეს შეკრებილ ნათესავებს მისი დატირება შორიდან მაინც შესძლებოდათ.

სამგლოვიარო პროცესიის შესახებ რეპორტაჟი და ვიდეო მასალა რადიო „ათინათმა“ გუშინ გამოაქვეყნა. ჩვენი ფოტო და ვიდეო კადრები ხიდის ერთი ბოლოდან, ორსანტიაში იყო გადაღებული. აქ გალში გარდაცვლილი გოჩა ტუფურიას 50-მდე ნათესავი და ახლობელი იყო შეკრებილი, ისინი, ვინც დაკრძალვაზე აფხაზეთში გადასვლა ვერ მოახერხა.

ხიდთან შეკრებილებმა ოჯახს სამძიმარი შორიდან გამოუცხადეს. ენგურის გაღმა და გამოღმა ნაპირზე მყოფმა ახლობლებმა ერთმანეთს მწუხარება გაუზიარეს და ამ სიტყვებით გაამხნევეს:

ორსანტია: აქ მარტო ორსანტია არ არის, ყველა რაიონიდან ვართ. გული გაიმაგრეთ

ოტობაია: გაიხარეთ, გაიხარეთ, ისე ყოფილიყოს, რომ მიმოსვლა შეგვეძლოს

ორსანტია: იქნება, ამას არ უნდა ბევრი ხანი

ოტობაია: ღმერთმა ქნას, რომ ასე არ ყოფილიყოს

ორსანტია: არცერთ ქვეყანაში არ არ არის ასე, ამას ხომ უნდა ნერვები. რამხელა დამცირებაა, საქართველოსთვისაა ეს ყველზე ცუდი

აფხაზეთის დე - ფაქტო ხელისუფლებამ ხურჩა-ნაბაკევისა და ოტობაია–ორსანტიას გამშვები პუნქტები 2017 წლის 5 მარტს დახურა. ეს გადაწყვეტილება სოხუმში 2016 წლის 28 დეკემბერს მიიღეს. მას შემდეგ აფხაზეთში მიმოსვლა მხოლოდ ენგურზე მდებარე ე.წ. სასაზღვრო გამშვები პუნქტითაა შესაძლებელი. ოკუპირებულ ტერიტორიაზე გადასვლა მოქალაქეებს დროებითი ბინადრობის მოწმობით ან გარკვეული თანხის გადახდის სანაცვლოდ შეუძლიათ.

ფოტოები გაღმა ნაპირიდან: ფეისბუქ ჯგუფი „დევნილები დევნილებისთვის“

ამავე თემაზე:

მავთულხლართით გაყოფილი სამგლოვიარო პროცესია - მიცვალებული აფხაზეთში სამეგრელოდან დაიტირეს (ფოტო-ვიდეო)

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 21 °C
img
სოხუმი 15 °C
img
ფოთი 16 °C
img
მესტია 12 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.