ТОЧКИ СОПРИКОСНОВЕНИЯ
სოხუმში საცხოვრებელი ფართით უზრუნველყოფის პროგრამები ამოქმედდა
მიმდინარე წლის დასაწყისში აფხაზეთში ამოქმედდა 2  პროგრამა, რომლის მიზანია, მოსახლეობის მოწყვლადი ჯგუფების ბინით უზრუნველყოფა.

შრომის, დასაქმების და სოციალური უზრუნველყოფის სამინისტროს სამართლებრივი განყოფილების უფროსის რომეო ჩერქეზიას თქმით, ჯერჯერობით რთულია გაკეთდეს პროგნოზი, თუ რამდენად ეფექტიანი იქნება ეს პროგრამები, თუმცა, როგორც მან აღნიშნა, ყველაფერი დაფინანსების მოცულობაზეა დამოკიდებული.  

"პირველი 9 თვის განმავლობაში გარკვეული დადებითი დინამიკაა, რადგან მანამდე მსგავსი პროგრამა არ არსებობდა. იყო ცალკეული მომენტები, როდესაც მოქალაქეებს გადასცემდნენ   საცხოვრებელ ფართებს ან ფინანსურ დახმარებას უწევდნენ, თუმცა, სამიზნე პროგრამები არ ყოფილა. აღნიშნული პროგრამის ფარგლებში უკვე 12 - მა ოჯახმა შეიძინა ბინა", - ამბობს უწყების წარმომადგენელი.  

"აფხაზეთის რესპუბლიკის ცალკეული კატეგორიის მოქალაქეთა საცხოვრებელი ფართით დაკმაყოფილების პროგრამის" პირობების თანახმად, მასში ჩართვა შეუძლია I ჯგუფის ინვალიდებს, 1992 – 93 წლების სამხედრო კონფლიქტის მონაწილეებს, ასევე, სამსახურებრივი მოვალეობის დროს დაღუპულთა, უგზო - უკვალოდ დაკარგულთა ოჯახის წევრებს და სხვა კატეგორიის მოქალაქეებს.  პროგრამა სამ წელზეა გათვლილი. მისი ბიუჯეტი ყოველწლიურად 10 მილიონი რუბლი იქნება. განმცხადებელზე დაახლოებით 500 ათასი  რუბლი გაიცემა, ხოლო ოჯახის დანარჩენ წევრებზე  - 100 – 100  ათასი.

მეორე პროგრამის, "საცხოვრებელი  2021" ფარგლებში მოქალაქეებზე გაიცემა სესხი საცხოვრებელი ფართის შესაძენად, რომლის ყოველთვიური დასაფარი თანხა საარსებო მინიმუმს არ უნდა აღემატებოდეს, რაც დაახლოებით 7 ათას რუბლი ან 100 დოლარია. გარდა ამისა, თუ ამ პერიოდში ოჯახში გაჩნდა ბავშვი, სახელმწიფოსთვის დასაბრუნებელი თანხა 10% - ით მცირდება. სამინისტროს ინფორმაციით, აღნიშნული პროგრამა ასევე სამ წელზეა გათვლილი. მისი ბიუჯეტი 30 მილიონი რუბლია და ამ დრომდე 42 განაცხადი შევიდა განსახილველად. კომისიამ უკვე შეარჩია 4 ოჯახი, რომელიც ბინას შეიძენს. დანარჩენები თანხას წლის ბოლომდე მიიღებენ.  

ჩერქეზიას თქმით, იმის გამო, რომ სამინისტრო შეზღუდულია დაფინანსების თვალსაზრისით, ისინი ვერ უწევენ დახმარებას ყველა განმცხადებელს.  მისივე განმარტებით, მიმდინარე წელს მხოლოდ 54 ოჯახის განაცხადი განიხილეს. მან აღნიშნა, რომ მანამდე, არავი სჯეროდა რომ მსგავსი პროგრამები განხორციელდებოდა, თუმცა ბოლო პერიოდში, მის ამოქმედებასთან ერთად, იმ ოჯახების რიცხვმა, რომელსაც მასში ჩართვა სურს, მნიშვნელოვნად იმატა.

მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.

Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
ტყაშ მაფა - დემონური ქალღვთაება კოლხური მითოლოგიის ერთ-ერთი გამორჩეული პერსონაჟია, რომელიც მოსახლეობაში ძალიან დიდი პოპულარობით სარგებლობს და მას დღემდე უკავშირდება უამრავი ამბავი, ლეგენდა თუ პირდაპირ თვითმხილველთა ისტორიები.
28 / მარტი 2024
უკრაინაში დონეცკის ოლქის ქალაქ ავდეევკასთან დაღუპული აფხაზეთიდან დევნილი მებრძოლის, თენგიზ ჭანიას ცხედარს სამშობლოში 3 აპრილს, გამთენიისას ჩამოასვენებენ.
28 / მარტი 2024
სოხუმის აეროპორტის მიმდებარე ტერიტორიიდან მაცხოვრებლების გასახლება იგეგმება, ამის შესახებ „აფხაზური პორტალი“ იუწყება.
დილის ჩართვა
ოდაბადეშ კინოხონი
28 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 9 °C
img
სოხუმი 11 °C
img
ფოთი 12 °C
img
მესტია -2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.