ТОЧКИ СОПРИКОСНОВЕНИЯ
სასმელი წყლის მონიტორინგი აფხაზეთში
18 სექტემბერს, წყლის მონიტორინგის მსოფლიო დღეს, სოხუმში მოქმედ წყლის ხარისხის ლაბორატორიაში ტრადიციულად წყლის სინჯის აღებით აღნიშნავენ.
ეკოლოგიისა და ბუნების დაცვის კომიტეტის თავმჯდომარის მოადგილის მურმან სოლომკოს თქმით, აფხაზეთში წყლის ხარისხს ადგილზე მოქმედი ლაბორატორია რეგულარულად ამოწმებს.

"ჩვენ მდინარეების, ტბების მონიტორინგს ვაწარმოებთ. ყველა ობიექტიდან, სადაც კი გავდივართ, წყლის სინჯები მოგვაქვს. მტკნარი წყლის პრობლემა აფხაზეთში არ არსებობს, თუმცა, მიუხედავად ამისა, ეს სასიცოცხლოდ მნიშვნელოვანი რესურსი უნდა დავზოგოთ", - ამბობს სპეციალისტი.

სასმელი წყლის ჰიდროქიმიურ შემადგენლობას ლაბორატორიაში იკვლევენ. ლაბორატორიის წარმომადგენლის, ოლგა პუსტოვაროვას მტკიცებით, აფხაზეთში სასმელი წყლის ხარისხი სრულად შეესაბამება სტანდარტებს.

"რაც შეეხება ზედაპირულ წყლებს, ძალიან კარგი, სუფთა წყალი გვაქვს, რადგან ჩვენ პრაქტიკულად არ გვაქვს სამრეწველო ობიექტები, სასუქსაც დიდი რაოდენობით არ ვიყენებთ. ჩვენი ფუნქციონერების პერიოდში ერთეული შემთხვევები დაფიქსირდა, როდესაც წყალში ტოქსიკური ელემენტების კონცენტრაცია ნორმებს აჭარბებდა", - ამბობს სპეციალისტი.

მისი თქმით, სასმელი წყლის გარდა, ისინი ნალექებსაც იკვლევენ, რაც მნიშვნელოვანია იმის გასარკვევად, თუ რამდენად იცვლება წყლის შემადგენლობა ნალექების შედეგად.

"შესაბამისი კვლევები ეკოლოგიის სახელმწიფო კომიტეტმა გაზაფხულზე, ტურისტული სეზონის დაწყებამდე და მის პიკზე, აგვიტოს ბოლოს ჩაატარა. რაც შეეხება ჰიდროქიმიას, წყლის შემადგენლობაში, პრაქტიკულად, არანაირი ცვლილებები არ არის და მისი ხარისხი არ გაუარესებულა", - ამბობს ლაბორანტი.

სოხუმის ერთ - ერთ სატუმბ სადგურზე წყლის სინჯის აღებისა და მისი სანიტარული დამუშავების პროცესზე წყალკანალის მთავარი ინჟინერი მერაბ ანქვაბი ყვება.

"ამ ჭაბურღილის სიღრმე 35 მეტრია. ასეთი ჭაბურღილებიდან წყალი სატუმბი სადგურის რეზერვუარებს მიეწოდება. დღესდღეობით, ამ სატუმბ სადგურში 21 ასეთი ჭაბურღილია. ქლორირება ინჟექტორული მეთოდით ხდება. ყოველდღიურად ქალაქის სხვადასხვა ნაწილში ვიღებთ წყლის სინჯებს და ვიკვლევთ ქლორის შემადგენლობას", - ამბობს ანქვაბი.

აღსანიშნავია, რომ "სუფთა წყლის ამერიკულმა ფონდმა" წყლის მონიტორინგის მსოფლიო დღე 2003 წლის 18 სექტემბერს დააარსა. რაც მიზნად ისახავს წყლის რესურსების დაბინძურების შესახებ მოსახლეობის ინფორმირებას და მათი ჩართულობის გაზრდას.

მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.


Print Email
FaceBook Twitter
გადაცემა მომზადებულია სამედიცინო ფსიქოლოგიური ცენტრი "მნათობის" პროექტის "ერთად დავძლიოთ ძალადობა" ფარგლებში, რომელიც მხარდაჭერილია საქართველოში ქალთა ფონდის მიერ.
თხილის მწარმოებელთა ასოციაცია მეთხილე ფერმერების სასარგებლოდ ახალი ინიციატივით გამოდის.
ჩვენი ტუჩები, ისევე როგორც თითები, ანაბეჭდების ფორმით, უნიკალურია და მსოფლიოში მას ანალოგი არ აქვს. სწორედ ამიტომ, ჩვენ ტუჩებს განსაკუთრებული მოვლა და გაფრთხილება ჭირდება.
საზოგადოება
რიკოთის საავტომობილო გვირაბში პროფილაქტიკური სამუშაოების გამო 14 ნოემბერს, 08:00-დან 18:00 საათამდე, ყველა სახის ავტოტრანსპორტის მოძრაობა აიკრძალება.
27 ნოემბრიდან საქართველო 6 თვით ევროპის საბჭოს თავმჯდომარე ქვეყანა გახდება.
ეკონომიკისა და მდგრადი განვითარების მინისტრის მოადგილის აკაკი საღირაშვილის განცხადებით, ანაკლიის პორტთან დაკავშირებით მნიშვნელოვანი ინტერესი არსებობს და ადგილზე ჩასვლას
დღის სიახლეები
13 / ნოემბერი 2019
სოფელ ჯგერდასთან, ახუცას მიდამოებში, 30 ჰექტარამდე ტყის ფართობზე გაჩენილი ცეცხლი ლიკვიდირებულია.
13 / ნოემბერი 2019
რიკოთის საავტომობილო გვირაბში პროფილაქტიკური სამუშაოების გამო 14 ნოემბერს, 08:00-დან 18:00 საათამდე, ყველა სახის ავტოტრანსპორტის მოძრაობა აიკრძალება.
13 / ნოემბერი 2019
თბილისში, უნივერსიტეტის ქუჩაზე წუხელ მომხდარი ავტოსაგზაო შემთხვევის შედეგად  დაღუპული 19 წლის ზუგდიდელი ლუკა ჟვანიაა.
მთავარი საინფორმაციო გამოშვება
არქივი
«« ნოემბერი 2019 »»
28293031 1 2 3
4 5 6 7 8 9 10
11 12 13 14 15 16 17
18 19 20 21 22 23 24
25 26 27 28 29 30 1
ამინდი
ზუგდიდი 14 °C
img
სოხუმი 13 °C
img
ფოთი 14 °C
img
მესტია 4 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.