ТОЧКИ СОПРИКОСНОВЕНИЯ
საგანმანათლებლო პროგრამების პრეზენტაცია სოხუმში
სოხუმში საგანმანათლებლო პროგრამების გამოფენა გაიმართა, რომელშიც აფხაზეთის პროფესიულმა სასწავლებლებმა და კოლეჯებმა მიიღეს მონაწილეობა.

პროფესიულ - ტექნიკური კოლეჯების და დაწესებულებების სტენდებზე წარმოდგენილი იყო საინფორმაციო სარეკლამო მასალა, სასწავლო პროგრამების პრეზენტაციები, ასევე სტუდენტური ცხოვრების ამსახველი ფოტოები.

"ახალგაზრდებს, რომლებიც დაინტერესებულები არიან სახვითი ხელოვნებით, სკულპტურით, ვისაც სურს მხატვარ - დეკორატორის პროფესიას დაეუფლოს, ვურჩევდი ჩვენთან მოვიდეს. ბოლო რამდნიმე წელია, ტანსაცმლის დიზაინის კურსიც გვაქვს, ბავშვებს საკუთარი თავის წარმოჩენა ამ მხრივაც შეუძლიათ", - ამბობს ლარისა ჯოპუა, რომელიც გამოფენაზე სოხუმის სამხატვრო სასწავლებელს წარმოადგენდა.

გამოფენაზე არც თუ ისე დიდი ხნის გახსნილი ტყვარჩელის ჰუმანიტარულ - სამრეწველო კოლეჯის სტენდიც იყო წარმოდგენილი. პედაგოგმა ირაკლი გაბლაიამ თქვა, რომ კოლეჯის კურსდამთავრებულები უკვე დასაქმებულებიც არიან.

"ჩვენთან სამი სპეციალობაა  –  დაწყებითი კლასების პედაგოგიკა, მშენებლობა,  საავტომობილო ტრანსპორტის ექსპლუატაცია. სტუდენტების დიდი ნაწილი დასაქმებულია და ჩვენ ვამაყობთ ამით", - თქვა მან.

გამოფენას 150 - მდე ადამიანი დაესწრო, მათ შორის დამამთავრებელი კლასის მოსწავლეები, რომლებიც მომავალი პროფესიის არჩევაზე ფიქრობენ.

"სამედიცინო კოლეჯში ვაპირებ ჩაბარებას, ამიტომაც მოვედი აქ, რომ ვნახო პროგრამები და მივიღო ინფორმაცია. ახლა უკვე ზუსტად ვიცი, რომ სამედიცინო კოლეჯს ავირჩევ", - თქვა ერთ - ერთმა უფროსკლასელმა.

აღნიშნული ღონისძიება აფხაზეთში პირველად გაიმართა. განათლების მინისტრის მოადგილე მედეა ჩენგელია იმედოვნებს, რომ ის ყოველწლიურ ხასიათს მიიღებს და სარგებლობას მოუტანს რესპუბლიკის განათლების სისტემას.

"მსგავსი ურთიერთობა და გამოცდილება დიდ იმპულსს აძლევს საშუალო პროფესიული განათლების განვითარებას და აუცილებელია, რადგან, ეს ყველაფერი მნიშვნელოვანია აფხაზეთის ეკონომიკის განვითარებისთვის" - თქვა მან.

გამოფენის ორგანიზატორების განცხადებით, ეს ღონისძიება მხოლოდ ნაწილია იმ ინიციატივისა, რომელიც საშუალო პროფესიული განათლების მხადაჭერას და საგანმანათლებლო სერვისების ბაზარზე მისი პოზიტიური იმიჯის დამკვიდრებას ემსახურება.

"ეს კიდევ ერთი ნაბიჯია დიდი ინიციატივის ფარგლებში, რომელიც მხარს უჭერს აფხაზეთში პროფესიული სექტორის განვითარებას", - განაცხადა გაეროს განვითარების პროგრამის პროექტების მენეჯერმა ფედერიკა დისპენზამ.

ღონისძიება გაეროს განვითარების პროგრამის პროექტის "ჰორიზონტების" ფარგლებში, აშშ-ის საერთაშორისო განვითარების სააგენტოს ფინანსური მხარდაჭერით გაიმართა.  


მასალა მომზადებულია გადაცემა "Точки соприкосновения" - ს მიხედვით, რომელიც გადის რადიო "ათინათის" ეთერში. პროექტი ხორციელდება აფხაზ პარტნიორებთან თანამშრომლობით. მასალა შესაძლოა შეიცავდეს ტერმინებს, რომლებსაც აფხაზეთის დე ფაქტო რესპუბლიკაში იყენებენ.


ფოტო: http://apsnypress.info/













Print Email
FaceBook Twitter
დაფინანსებული
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
დღის სიახლეები
28 / მარტი 2024
სტატისტიკის ეროვნული სამსახურის მონაცემებით, სამეგრელო-ზემო სვანეთის რეგიონში 2023 წელს 2 608 ბავშვი დაიბადა.
28 / მარტი 2024
საქართველოს ეროვნული ნაკრების გამარჯვებას და მათ მიერ ევროპის ჩემპიონატზე თამაშის უფლების მოპოვებას სოციალური ქსელების აფხაზურ სეგმენტში განიხილავენ.
28 / მარტი 2024
სოფლის მეურნეობისა და გარემოს დაცვის მინისტრის ოთარ შამუგიას განცხადებით, მცირე ზომის სასოფლო-სამეურნეო ტექნიკის შეძენას მაღალმთიან დასახლებებში მცხოვრები პირები სახელმწიფოს 70 %-ის თანადაფინანსებით შეძლებენ.
დილის ჩართვა
ოდაბადეშ კინოხონი
21 / მარტი 2024
დადიანების სასახლეთა საგანძური
მთავარი საინფორმაციო გამოშვება
არქივი
ამინდი
ზუგდიდი 17 °C
img
სოხუმი 13 °C
img
ფოთი 12 °C
img
მესტია 2 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.