„სამართლიანი საზოგადოებისთვის“ - კონსორციუმის სამართლებრივი დახმარება საქართველო პროექტი
15:16 / 10.08.2017
კონსორციუმი სამართლებრივი დახმარება საქართველო, პარტნიორ ორგანიზაციებთან - ლტოლვილთა დანიის
საბჭოსა და საქველმოქმედო ჰუმანიტარულ ცენტრ "აფხაზეთთან" ერთად ქვეყნის რამდენიმე რეგიონში პროექტს "სამართლიანი საზოგადოებისთვის" ახორციელებს.
პროექტის ხელმძღვანელის, ნინა გელაშვილის თქმით, პროექტის ძირითადი მიზანი იძულებით გადაადგილებული პირების საკითხებზე მომუშავე ადგილობრივი სათემო და არასამთავრობო ორგანიზაციების შესაძლებლობის ზრდაა, რითაც შესაძლებელი იქნება მოწყვლადი თემებისათვის სამართლებრივი დახმარების აღმოჩენა და ანგარიშვალდებულ პირებთან დევნილთა უფლებების დაცვის მიზნით, ადვოკატირების კამპანიების ეფექტური წარმართვა.
"ამ მოკლე დროში მაქსიმალურად ვეცდებით, რომ სათემო და სამოქალაქო საზოგადოების წარმომადგენლებმა დამოუკიდებლად შეძლონ რეგიონში არსებული პრობლემური საკითხების გადაჭრა და დევნილთა უფლებების დაცვა, გადაწყვეტილებების მიმღებ პირებამდე პრობლემების მიტანა და შედეგის მიღება", - აღნიშნა გელაშვილმა.
პროექტის ოთხი ძირითადი კომპონენტისგან შედგება: თემის მობილიზება, შესაძლებლობების ზრდა, ადვოკატირება, ალიანსებისა და გაერთიანებების გაძლიერება და კავშირების გამყარება.
პროექტის ფარგლებში იძულებით გადაადგილებულ პირებისთვის სხვადასხვა საკითხებზე ტრენინგები ჩატარდა. იურისტისა და ტრენერის, რუსუდან პაჭკორიას თქმით, ტრენინგები მონაწილეთა ჩართულობით გამოირჩეოდა და პროცესში დევნილებისთვის საინტერესო და პრობლემური საკითხები გამოიკვეთა, რომელიც ეხებოდა განსახლების, საარსებო წყაროების, სოციალური შემწეობებისა და სხვა საკითხებს.
გარდა ამისა, პროექტის ფარგლებში ადგილობრივი მუნიციპალიტეტებისა და საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს ტერიტორიული ერთეულების წარმომადგენლებთან საინფორმაციო შეხვედრები ჩატარდა. აღნიშნული შეხვედრების დროს, დამსწრეებს პროექტით დაგეგმილი ღონისძიებების შესახებ ამომწურავი ინფორმაცია მიეწოდათ. მუნიციპალიტეტებისა და სამინისტორს ტერიტორიული ერთეულების თანამშრომლებმა მზადყოფნა გამოთქვეს აქტიური მონაწილეობა მიეღოთ პროექტით განხორციელებულ აქტივობებში.
პროექტი "სამართლიანი საზოგადოებისთვის" ერთწლიანია. ის მიმდინარე წლის მარტში დაიწყო და 2018 წლის თებერვალში დასრულდება. პროექტში პარტნიორი ორგანიზაციებია: ლტოლვილთა დანიის საბჭო და საქველმოქმედო ჰუმანიტარული ცენტრი "აფხაზეთი".პროექტის მხარდამჭერია სამოქალაქო საზოგადოების განვითარების ფონდი
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
დაცული ტერიტორიების სააგენტოს ინფორმაციით, 1-ელი აპრილიდან მარტვილის კანიონში სამუშაო საათები გახანგრძლივდება და 20:00-ის ნაცვლად, შესვლა 22:00-მდე იქნება შესაძლებელი.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები