ზუგდიდში, თაბუკაშვილის ქუჩაზე არსებულ დევნილთა დასახლების
მცხოვრებლები დავალიანების დაფარვას ითხოვენ. მათი
თქმით, ეზოში მოწყობილი წყალსაქაჩისთვის მიწოდებული ელექტროენერგიის
დარიცხული საფასურის 20 000 ლარის გამო მათ წყალი ერთი კვირა არ
მიეწოდებოდათ. მათთვის გაუგებარია, რატომ არ მოსდით ქვითარი
ყოველთვიურად, როგორც ეს დენისა და გაზის გადასახადის შემთხვევაში
ხდება. დევნილების განმარტებით, მათ აღნიშნული დავალიანების გადახდის
საშუალება არ აქვთ.
„ხელზე რომ ვაგროვდებდით ამ ფულს და ვიხდიდით, რატომ არ მოდის
ქვითარი? ან რატომ აქამდე არ წამოგვიყენეს ასეთი ულტიმატუმი? არც
ვიცით, საერთოდ, რაზეა საუბარი. არჩევნები დამთავრდა თუ არა,
რამდენიმე დღეში წყალი გამოგვირთეს. რაც აქ დავსახლდით, წყლის
პრობლემა სულ არის ამ დასახლებაში. გვითხრან, რაშია საქმე,
გაგვარკვიონ“, - აღნიშნა ერთ-ერთმა დევნილმა ინეზა ფარულავამ.
იძულებით გადაადგილებული პირები ასევე მოითხოვენ, რომ შესაბამისი
უწყებები მათი პრობლემით დაინტერესდნენ. თაბუკაშვილის ქუჩაზე
მცხოვრები რამდენიმე დევნილი უბნის მაჟორიტარ დეპუტატთან მამუკა
ყურაშვილთან ერთად აჭარისა და სამეგრელო-ზემო სვანეთის დევნილთა
სამმართველოს უფროსს მანუჩარ ჩილაჩავას შეხვდა.
თავის მხრივ, ჩილაჩავა ამბობს, რომ ინდივიდუალური ქვითრები
დევნილებთან არ მოდის, რადგან ობიექტი წყალკანალის ბალანსზე არ არის
აყვანილი. გარდა ამისა, მისივე თქმით, ჩასახლებაში წყლის მიწოდება
მხოლოდ გუშინ იყო შეფერხებული.
„გარკვეული შუამდგომლობების შედეგად, შეჩერებული იყო დავალიანების
გადახდის საკითხი. ჩვენი სამინისტრო აქტიურად მუშაობს, რომ
წყალკანალმა დევნილთა აღნიშნული ჩასახლება საკუთარ ბალანსზე
გადაიყვანოს. რატომ არ დასრულდა ამ დრომდე ეს პროცესი, ვერ
გიპასუხებთ, ჩვენს კომპეტენციას სცილდება“, - თქვა მან.
მისივე ინფორმაციით, აღნიშნული პრობლემის შესახებ დევნილთა
სამინისტროსა და უშუალოდ მინისტრისთვისაც ცნობილია და უწყება
წყალკანალთან აქტიურ მოლაპარაკებებს აწარმოებს.
„როგორც ვიცით, დევნილთა სამინისტრო ამზადებს დოკუმენტაციას,
შემდეგ,ეკონომიკის სამინისტროს ნებართვით გადმოგვეცემა ჩვენს
ბალანსზე. სამომავლოდ, ჭაბურღილების საჭიროება აღარ დადგება, რადგან
მთელს ზუგდიდში ცენტრალური წყალმომარაგების სისტემა იქნება“, - უთხრა
რადიო „ათინათს“ სიხარულიძემ.
ამ დროისთვის თაბუკაშვილის დევნილთა ჩასახლებაში წყლის მიწოდება
აღდგენილია.
12 მარტს, ზუგდიდის მუნიციპალიტეტის ბიბლიოთეკების მართვის ცენტრის ბერტა ფონ ზუტნერის სახელობის ევროპულ კუთხეში, ახალგაზრდების აქტიური ჩართულობით სალონური შეხვედრა-დისკუსია თემაზე "ქალები საერთაშორისო სამშვიდობო მოძრაობის სათავეებთან - ბერტა ფონ ზუტნერი" გაიმართა.
8 მარტს, ქალთა საერთაშორისო დღესთან დაკავშირებით, ზუგდიდის ბიბლიოთეკაში აფხაზეთიდან იძულებით გადაადგილებული ქალების წახალისებისა და მათი პროფესიული საქმიანობის წარმოჩენის მიზნით, შეხვედრა გაიმართა.
თიბისის მხარდაჭერით, სვანეთის სათხილამურო კურორტ ჰაწვალზე "FreeRide World Tour Junior"- ის საკვალიფიკაციო ეტაპი ჩატარდა, სადაც არამარტო ქართველი, არამედ უცხოელი მოზარდებიც იღებდნენ მონაწილეობას.
ზუგდიდი-ჯვარი-მესტია-ლასდილის საავტომობილო გზის კმ138-კმ170 (მესტია-კალა) მონაკვეთზე მსუბუქი ავტოტრანსპორტის მოძრაობის სპეციალური რეჟიმი მოცურების საწინააღმდეგო ჯაჭვების გამოყენებით მოიხსნა.
გარემოს ეროვნული სააგენტოს ინფორმაციით, 30 მარტს საქართველოს ზოოგიერთ რაიონში წვიმიანი ამინდია მოსალოდნელი, ხოლო 31 მარტს და 1 აპრილს - თბილი და უნალექო ამინდი.
აფხაზმა აქტივისტმა ჯანსუხ ადლეიბამ აფხაზეთის დე ფაქტო რესპუბლიკის პრეზიდენტის ასლან ბჟანიას გადადგომის მოთხოვნით შიმშილობა დაიწყო. აქცია სოხუმის თავისუფლების მოედანზე მიმდინარეობს.
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
მასალის გამოყენების პირობები