კათოლიკოს-პატრიარქმა ილია მეორემ 18 ივნისს ქადაგებაში საქართველოში მონარქიის აღდგენის საკითხზე ისაუბრა.

,,საქართველო არის უძველესი ქვეყანა, უძველესი კულტურით. იქნებ გვეფიქრა იმაზე, თუ ვინ ვიყავით წარსულში, ვინ ვართ დღეს და ხვალ ვინ ვიქნებით. იქნებ გვეფიქრა იმაზე, რომ საქართველო არის უძველესი მონარქიული ქვეყანა. მას მეფე მართავდა და დღესაც ხშირი შემთხვევაა მსოფლიოში, როცა მონარქი მეფობს, მაგრამ არ მართავს. ამას ეწოდება კონსტიტუციური მონარქია და მას სიმშვიდე შემოაქვს ქვეყნაში. ეს, რა თქმა უნდა, დღეს და ხვალ ვერ მოხდება '', - თქვა ილია მეორემ.

რას ფიქრობთ პატრიარქის ინიციატივაზე, საქართველოში კონსტიტუციური მონარქიის შემოღებასთან დაკავშირებით - ამ კითხვით რადიო "ათინათმა" ზუგდიდის მოსახლეობას მიმართა.