ახალი ამბები
ფეხბურთის სიყვარულით ოკუპირებული აფხაზეთიდან ზუგდიდამდე მოპედით გავლილი გზა (ფოტო/ვიდეო)
11 წლის დიტო ოყუჯავა ზუგდიდში „ბაიას“ სამწვრთნელო ბაზაზე მისასვლელად ოკუპირებული აფხაზეთის სოფელ გაგიდიდან 90 კილომეტრს მოპედით გადის. დილის შვიდ საათზე ადგომა და დედასთან ერთად, ათობით კილომეტრის გავლა უწევს. ამბობს, რომ არ ეზარება, რადგან დარწმუნებულია, თუ ბევრს ივარჯიშებს, კარგი ფეხბურთელი დადგება. სამეგრელო - აფხაზეთის ადმინისტრაციული საზღვრის გადაკვეთისას პრობლემა არ შექმნია, არც აფხაზ მესაზღვრეებს შეუფერხებიათ. როგორც თავად ამბობს, ზოგჯერ ურიგოდ, დოკუმენტების შემოწმების გარეშეც უშვებენ.

„ოტობაიის ნომერ პირველ საჯარო სკოლაში დავდივარ. ვარ მეშვიდე
კლასში. მიყვარს ფეხბურთის თამაში, რის შესაძლებლობაც ჩემს სოფელში ნაკლებად მაქვს. ამიტომაც დავდივარ ზუგდიდში ბაიას ბაზაზე. მომწონს აქაურობა. მწვრთნელებიც კარგები არიან და ბევრი მეგობარიც შევიძინე. მესამე წელია რაც მოპედით დავდივარ, ეკონომიურია და მოხერხებულიც. ძველი მოპედი, რომელიც გამიფუჭდა, დედამ განვადებით გამოიტანა, ეს კი მაჩუქეს“, - გვითხრა დიტო ოყუჯავამ.


მოზარდს სამწვრთნელო ბაზაზე ხელს უწყობენ. ამბობენ, რომ ის მონდომებულია და თუ ასე გააგრძელებს, ქვეყანას აუცილებლად ასახელებს.

„სამი წელია, რაც დიტო ჩვენთან დადის, მოსვლის დღიდან შეგვაყვარა თავი. ყოველ მეორე დღეს აქვს ვარჯიშები, მშობლეთან ერთად ადის მოპედით. როგორც ვიცით ფინანსურად უჭირთ და ჩვენც ყველანაირად ვუწყობთ ხელს. ფორმა იქნება თუ ბურთი, რაც ფეხბურთელს სჭირდება მას აქვს. გარდა ამისა, ხელმძღვანელობა გადასახადს არ ახდევინებს“, - თქვა მწვრთნელმა თემურ გუჯეჯიანმა.

დიტოს მთავარი გულშემატკივარი დედა, მადონა ხუხუაა. ოკუპირებული აფხაზეთიდან ზუგდიდში შვილს დაჰყვება და ვარჯიშის დასრულებამდე ელოდება. ამბობს, რომ შორი გზის გავლა უწევთ, თუმცა შვილის გამო თავს არ ზოგავს.

„მას არ ეზარება წვიმაში, ქარში და სიცივეში სიარული და მე ყველნაირად ხელს ვუწყობ და გვერდში ვუდგავარ. ვახერხებთ სიარულს ყოველ მეორე დღე, ზოგჯერ ყოველდღე დავდივართ. მისი ოცნებაა, გახდეს ფეხბურთელი. საზღვარზე გადმოსვლის პრობლემა არ გვაქვს. დღეს ურიგოდ გამოგვატარეს აფხაზებმა. ვთხოვე ფეხბურთზე აგვიანდება ბავშვს მეთქი და უპრობლემოდ გამოგვიშვეს“, - გვითხრა მოზარდის დედამ.

თავდაპირველად, დედა-შვილი სამარშრუტო ტაქსით დადიოდა. შემდეგ ოჯახმა განვადებით მოპედი შეიძინა, რომელიც მალევე გაფუჭდა და დიტოს გადაადგილებაში ხელი შეეშალა. პრობლემის მოგვარებაში ფეხბურთელს ბიზნესმენი გიორგი დევაძე დაეხმარა.

მან მოზარდს ახალი მოპედი და 300 ლიტრი საწვავი აჩუქა. საჩუქარი რამდენიმე დღის წინ საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა მინისტრის მოადგილე მამუკა ცოტნიაშვილმა, ზუგდიდის მუნიციპალიტეტის საკრებულოს თავმჯდომარის მოადგილემ თაზო ფაცაციამ და სამეგრელო-ზემო სვანეთში აფხაზეთის ავტონომიური ხელისუფლების წარმომადგენლებმა გადასცეს.

ამავე თემაზე:

11 წლის აფხაზეთიდან დევნილ ფეხბურთელს მოპედი და საწვავი გადასცეს


Print Email
FaceBook Twitter
ამავე კატეგორიაში
დღის სიახლეები
20 / აპრილი 2019
{{ARTICLEIMAGE}}აბაშაში არსებული ადმინისტრაციული შენობები შეზღუდული შესაძლებლობის მქონე პირთათვის ადაპტირებულია და გადაადგილება მათთვის მეტ-ნაკლებად უსაფრთხოა.
20 / აპრილი 2019
10 მცირეწლოვანის თანხმლები ქალი ამბობს, რომ ბავშვები მისი შვილები არიან და საქართველოს გავლით მეუღლესთან სხვა ქვეყანაში აპირებს ჩასვლას. ამის შესახებ მან ცოტა ხნის წინ, ბავშვების ქუთაისის
20 / აპრილი 2019
10 მცირეწლოვანი, რომელიც ზუგდიდის რეფერალურ საავადმყოფოში წუხელ კვებითი ინტოქსიკაციის ნიშნებით მოათავსეს, ქუთაისში, ინფექციურ საავადმყოფოში გადაიყვანეს. არასრულწლოვნები ზუგდიდში ერთ-ერთი
საზოგადოება
ზუგდიდელმა ქალმა, რომელსაც მეუღლე, დაახლოებით, 2 წლის წინ ავტოსაგზაო შემთხვევის შედეგად დაეღუპა, მისგან შვილი, დაახლოებით, ერთი კვირის წინ გააჩინა.
სოფელ ანაკლიაში, შელიების სახლში რელიქვიად ინახება ზვიად გამსახურდიას წერილი, რომელიც მან ზუგდიდში, "სამეგრელოს აღორძინების ფონდს" გამოუგზავნა.
ზუგდიდში, რუსთაველის ნომერ 150-ში ავეჯის ახალი მაღაზია გაიხსნა. მაღაზიათა ქსელი „პანცილიონი“ მომხმარებელს მაღალი ხარისხის, ნებისმიერი სახეობისა და დიზაინის საოჯახო ავეჯს სთავაზობს.
გამოკითხვა
მიდიხართ თუ არა ზუგდიდის მერის რიგგარეშე არჩევნებზე?
არქივი
ამინდი
ზუგდიდი 9 °C
img
სოხუმი 8 °C
img
ფოთი 8 °C
img
მესტია 0 °C
img
მოცემული ვებ გვერდი „ჯუმლას" ძრავზე შექმნილი უნივერსალური კონტენტის მენეჯმენტის სისტემის (CMS) ნაწილია. ის USAID-ის მიერ დაფინანსებული პროგრამის "მედია გამჭვირვალე და ანგარიშვალდებული მმართველობისთვის" (M-TAG) მეშვეობით შეიქმნა, რომელსაც „კვლევისა და გაცვლების საერთაშორისო საბჭო" (IREX) ახორციელებს. ამ ვებ საიტზე გამოქვეყნებული კონტენტი მთლიანად ავტორების პასუხისმგებლობაა და ის არ გამოხატავს USAID-ისა და IREX-ის პოზიციას.
This web page is part of Joomla based universal CMS system, which was developed through the USAID funded Media for Transparent and Accountable Governance (MTAG) program, implemented by IREX. The content provided through this web-site is the sole responsibility of the authors and does not reflect the position of USAID or IREX.
ავტორის/ავტორების მიერ საინფორმაციო მასალაში გამოთქმული მოსაზრება შესაძლოა არ გამოხატავდეს ფონდ ”ღია საზოგადოება-საქართველოს” პოზიციას. შესაბამისად, ფონდი არ არის პასუხისმგებელი მასალის შინაარსზე.
The views, opinions and statements expressed by the authors and those providing comments are theirs only and do not necessarily reflect the position of Open Society Georgia Foundation. Therefore, the Open Society Georgia Foundation is not responsible for the content of the information material.