ზუგდიდის მერიასთან აქცია სახელწოდებით "დაიცავი დაუცველი ცხოველი" გაიმართა.
ღონისძიება სოციალური ქსელის მეშვეობით დაიგეგმა.

აქციის მონაწილეები მოითხოვენ, რომ ზუგდიდის მერიამ არ გაუფორმოს ხელშეკრულება ოზურგეთში მოქმედი თავშესაფრის მფლობელს, ინდმეწარმე გიორგი მაღლაფერიძეს, რომელსაც ისინი ცხოველებისადმი არასათანადო მოპყრობაში ადანაშაულებენ.

მოქალაქეები ასევე მოუწოდებენ ქალაქის თვითმმართველობას, ჰუმანური გზებით მოაგვაროს ქალაქში არსებული უპატრონო ძაღლების პრობლემა.

აქციის მონაწილეებს დღესვე ქალაქის მერი ირაკლი გოგოხია და საკრებულოს თავმჯდომარე მერაბ ქვარაია შეხვდნენ, რომელთაც პირობა დადეს, რომ არსებულ პრობლემას ეტაპობრივად მოაგვარებენ.