ზუგდიდში დამოუკიდებლობის დღის აღსანიშნავი საზეიმო ღონისძიებები არ ტარდება (ვიდეო)
09:48 / 26.05.2016
ქალაქ ზუგდიდში დამოუკიდებლობის დღის აღსანიშნავი საზეიმო
ღონისძიებები, ხურჩაში მომხდარი ტრაგედიის გამო, არ ტარდება.
ზუგდიდის მერიის ინფორმაციით, 26 მაისს, დილით 09:00-დან 11:00
საათამდე, ვლაქერნის ყოვლადწმიდა ღვთისმშობლის სახელობის საკათედრო
ტაძარში სამშობლოსათვის დაღუპულთა სულის მოსახსენებელი პანაშვიდი
გაიმართება.
11:00-დან 12:00 საათამდე ქალაქის მერი და ადგილობრივი
თვითმმართველობის წარმომადგენლები ყვავილებით შეამკობენ სპირიდონ
კედიას, ზვიად გამსახურდიასა და მერაბ კოსტავას ძეგლებს, რის
შემდეგაც, 8 აგვისტოს ომში დაღუპულთა სკვერი გაიხსნება. ყველა
ღონისძიება, რომელის ქალაქში დღის განმავლობაში ჩატარდება, 19 მაისს
ხურჩა-ნაბაკევის პირობით საზღვართან მოკლულ გიგა ოთხოზორიას ხსოვნას
ეძღვნება.
ხურჩაში მოკლულ გიგა ოთხოზორიას დღეს დაკრძალავენ. ხარჯებს ქალაქ
ზუგდიდის მერია სრულად დაფარავს.
მასალის გამოყენების პირობები