ყაზბეგის, ქორთუასა და ყუფუნიას ქუჩებზე ცენტრალური წყალგამყვანი სანიაღვრე არხების მოწყობისთვის ქალაქის მერიამ, ადგილობრივი ბიუჯეტიდან, 250 ათასამდე ლარი გამოყო.

სამუშაოების შესყიდვაზე ტენდერი უკვე გამოცხადდა და ის 3 აგვისტოს დასრულდება. არხების მოწყობა, გამარჯვებულ კომპანიასთან ხელშეკრულების გაფორმებიდან, დაახლოებით, 2 თვეში უნდა დასრულდეს.

ინფორმაციისთვის, ზუგდიდში ძლიერი წვიმის დროს რამდენიმე ქუჩა ნაწილობრივ იტბორება, მათ შორის არის ზემოაღნიშნული ქუჩებიც.