გიორგი სიგუა: GEM FEST - ის 10 ათასზე მეტი ბილეთი უკვე გაყიდულია (ვიდეო)
15:09 / 01.08.2016
დღეს ზუგდიდში GEM FEST - ის დამფუძნებელმა და ორგანიზატორმა
გიორგი სიგუამ ბრიფინგი გამართა.
მისი თქმით, 2 აგვისტოს დადიანების სასახლის ეზოში ფესტივალის
პრომო-ვიდეოს ჩვენება გაიმართება, რა დროსაც GEM FEST-ის სიახლეების, გეგმებისა და
სიურპრიზების შესახებ პირველად გახდება ცნობილი.
"GEM FEST - მდე ერთი კვირით ადრე, ჩვენ ვხსნით
ყველაზე მთავარ კამპანიას და ამას ვაკეთებთ დადიანების სასახლიდან, ამ
ისტორიული ადგილიდან", - აღნიშნა გიორგი სიგუამ.
მისი ინფორმაციით, ამ ეტაპზე 10 ათასზე მეტი ბილეთია გაყიდული.
მათგან 50% უცხოელმა ტურისტებმა შეიძინეს.
ცნობისთვის, ელექტრონული მუსიკის ფესტივალი - GEM FEST ანაკლიაში 9 აგვისტოდან 14 აგვისტოს
ჩათვლით გაიმართება.
მასალის გამოყენების პირობები