სვანეთში მოსახლეობა ტყე-კაფის გამოყოფას და უკვე გამოყოფილ ადგილებში
საავტომობილო გზების გაკეთებას ითხოვს. აღნიშნული
მოთხოვნით, სამეგრელო-ზემო სვანეთის სატყეო სამსახურის ოფისთან
საპროტესტო აქცია გაიმართა, რომელსაც სატყეო სამსახურის უფროსა და
ადგილობრივებს შორის სიტყვიერი დაპირისპირება მოჰყვა.
აქციის მონაწილეების თქმით, ტყე–კაფის საკითხი მოსახლეობისთვის
ერთ–ერთი ყველაზე აქტუალურია. მათივე ინფორმაციით, ტყე-კაფებისთვის
გამოყოფილ ადგილებში მაღალი გამავლობის ავტომობილებიც ვერ მიდიან, რის
გამოც ისინი უმუშევრად რჩებიან.
სამეგრელო-ზემო სვანეთის სატყეო სამსახურის უფროსი ამბობს, რომ
მოსახლეობის მოთხოვნებს ვერ გაითვალისწინებენ, რადგან ტყე-კაფებში
გზების გაკეთება მათ ფუნქციებში არ შედის.
სვანეთის მოსახლეობის განცხადებით, თუ სატყეო სამსახური მათ
პრობლემებს რამდენიმე დღის განმავლობაში არ მოაგვარებს, ისინი გზის
გადაკეტვით იმუქრებიან. ამ დროისათვის, აქცია დროებით შეწყდა.
მასალის გამოყენების პირობები