დე ფაქტო აფხაზეთის შს ახალი მინისტრის განცხადებით, შეიქმნება სპეციალური სამმართველო, რომელიც ნარკოტიკული ნივთიერებების ბრუნვაზე მკაცრ კონტროლს დააწესებს. ასლან კობახიას თქმით, სამართალდამცველები ნარკომანიას და ნარკოდილერებს ომს გამოუცხადებენ.

"უნდა ვაღიაროთ: ნარკოდილერი არასოდეს უნდა გრძნობდეს თავს ლაღად იმ ქვეყენაში, სადაც მას სამხრეებიანი ადამიანები არ მფარველობენ...", - თქვა მან.

5 ივლისს სოხუმში შს სამინისტროსთან მომხდარი არეულობების კომენტირებისას, კობახიამ აღნიშნა, რომ საქმეს დე ფაქტო რესპუბლიკის გენერალური პროკურატურა იძიებს. ამავე ინფორმაციით, შინაგან საქმეთა სამინისტროში სტრუქტურული ცვლილებები განხორციელდება.

ახალი ვიცე-პრემიერი, შს საქმეთა მინისტრი, რაულ ხაჯიმბამ სამინისტროს თანამშრომლებს 17 აგვისტოს წარუდგინა.