ზუგდიდში, მე-2 საჯარო სკოლის წინ „საქართველოს პატრიოტთა ალიანსის“
წევრები ამომრჩევლებს შეხვდნენ და მათ სიტყვით მიმართეს.
ერთ-ერთმა ლიდერმა დავით თარხან-მოურავმა მაჟორიტარი დეპუტატობის
კანდიდატები ოფიციალურად წარადგინა. მისი განცხადებით, აუცილებელია
კენჭისყრაში მონაწილეობა, რათა არჩევნები არ გაყალბდეს.
„მოვუწოდებ ხელისუფლებას მშვიდი და გაუყალბებელი არჩევნების
ჩატარებისკენ“, - აღნიშნა თარხან-მოურავმა.
მან კომენტარი გივი თარგამაძის მანქანის აფეთქებასთან დაკავშირებითაც
გააკეთა. „მე არ მგონია, რომ ის ხელისუფლებამ
ააფეთქა, ეს არავის არ სჭირდება“. - დასძინა „პატრიოტთა
ალიანსის“ თავმჯდომარემ.
მასალის გამოყენების პირობები