დე ფაქტო აფხაზეთის ადმინისტრაციის ხელმძღვანელად დაურ არშბა დაინიშნა. ახალი თანამშრომლის წარდგენისას რაულ ხაჯინბამ აღნიშნა, რომ "ადმინისტრაციის ყოველი თანამშრომლის მუშაობაზეა დამოკიდებული ქვეყნის მდგომარეობა".

აფხაზური მედიის ინფორმაციით, დაურ არშბა 1992-1993 წლების ომის მონაწილეა. 2003 - 2004 წლებში ის ტყვარჩელის რაიონის ადმინისტრაციის ხელმძღვანელი იყო, 2007 - 2012 წლებში - დე ფაქტო აფხაზეთის პარლამენტის დეპუტატი, 2015 წლიდან -"აფხაზეთის სახალხო ერთიანობის ფორუმის"
თავმჯდომარე, 2013 წლიდან - "აფხაზეთის სახალხო კრების მეხუთე მოწვევის" დეპუტატია.