დე ფაქტო აფხაზეთის სოფლის მეურნეობის მინისტრის დაურ თარბას განცხადებით, იმ შემთხვევაში, თუ ბუნებრივი კატაკლიზმები არ მოხდა, 2016 წელს ციტრუსის მოსალოდნელი მოსავალი 30 ათასი ტონა იქნება.

„2015 წლის შედეგებით, სახელმწიფო სექტორში 3 700 ტონა ციტრუსის მოსავალი იქნა აღებული, ხოლო კერძო სექტორში - 26 ათასი ტონა, თუმცა წელს უკეთესი მაჩვენებლები იქნება“, - აღნიშნა თარბამ.

მისი თქმით, მოსალოდნელი მოსავლის განმსაზღვრელი კომისია შეიქმნება.

აფხაზური მედიის ინფორმაციით, 1990 - იან წლებში აფხაზეთში ციტრუსის ბაღები 6 ათას ჰექტარზე იყო განთავსებული, ამ ეტაპზე მათი ფართობი 1200 ჰექტარს შეადგენს.